കോപ്പ അമേരിക്ക കലാശ പോരിന് പിന്നാലെ മാരക്കാനയില് വീണ്ടും ബ്രസീലിനെ കരയിച്ച് അര്ജന്റീന. നിക്കോളസ് ഓട്ടോമെന്ഡിയുടെ ഒറ്റ ഗോളിലാണ് കാനറികളെ വീഴ്ത്തിയത്. ലോകകപ്പ് യോഗ്യതയില് ബ്രസിലീന്റെ തുടര്ച്ചയായ മൂന്നാം തോല്വിയായിരുന്നു ഇത്. ഗാലറിയില് ആരാധകരുടെ തമ്മിലടി കാരണം വൈകിയാണ് മത്സരം തുടങ്ങിയത്. അര്ജന്റൈന് ആരാധകരെ പോലീസ് അകാരണമായി മര്ദ്ധിച്ചെന്ന് ആരോപിച്ച് അര്ജന്റീന ടീം ലോക്കര് റൂമിലേക്ക് മടങ്ങിയിരുന്നു. ഇതോടെ മത്സരം നടക്കുമോ എന്ന ആശങ്കയുര്ന്നെങ്കിലും പിന്നീട് സംഘര്ഷം അയഞ്ഞതോടെ ടീം തിരിച്ചെത്തി.
ഫൗളുകള് നിറഞ്ഞ മത്സരത്തിന്റെ ആദ്യ പകുതി പരുക്കനായിരുന്നു. മാര്ട്ടിനെല്ലിയുടെ വെടിയുണ്ട റോമേറൊ രക്ഷപ്പെടുത്തിയതും അര്ജന്റീനയ്ക്ക് പെനാല്റ്റി അനുവദിക്കാതിരുന്നതും വീണ്ടും മത്സരത്തില് കോലാഹലം സൃഷ്ടിച്ചു. രണ്ടാം പകുതിയിലെ 63ാം മിനിട്ടിലായിരുന്നു ഓട്ടോമെന്ഡിയുടെ ഹെഡ്ഡര് ഗോള്. മാര്ട്ടിനെല്ലിക്ക് ബ്രസീലിനെ മുന്നിലെത്തിക്കാന് അവസരം ഉണ്ടായിരുന്നെങ്കിലും എമിലിയാനോ വില്ലനായി.
പകരക്കാരനായി ഇറങ്ങിയ ജോലിംഗ്ടണ് ചുവപ്പ് കാര്ഡ് കണ്ടു പുറത്തായതോടെ ബ്രസിലീന്റെ പ്രതീക്ഷകളും അവസാനിച്ചു. റോഡ്രിഗോ ഡി പോളിനെ വീഴ്ത്തിയതിനായിരുന്നു കാര്ഡ്. 78 മിനിട്ടോളം മെസി കളത്തിലുണ്ടായിരുന്നെങ്കിലും നിര്ണായക മുന്നേറ്റങ്ങളൊന്നുമുണ്ടായില്ല. അര്ജന്റീനയോട് തോറ്റതോടെ യോഗ്യത റൗണ്ടില് ആറാം സ്ഥാനത്താണ് ബ്രസീല്. അര്ജന്റീനയാണ് ഒന്നാം സ്ഥാനത്ത്.
— Out Of Context Football (@nocontextfooty) November 22, 2023
“>
🚨🇧🇷🇦🇷 Crazy scenes in the stands at Maracanã between Brazilian police and Argentina fans.
Full footage by @_igorrodrigues 🎥 pic.twitter.com/lF4uzyI8A9
— Fabrizio Romano (@FabrizioRomano) November 22, 2023
“>
