പൂനെ: രാമക്ഷേത്ര ഉദ്ഘാടനത്തിന് മുന്നോടിയായി പ്രവർത്തനങ്ങളെ ഏകോപിപ്പിച്ച് വിശ്വഹിന്ദു പരിഷത്ത്. പൂനെയിലും പശ്ചിമ മഹാരാഷ്ട്രയിലുമാണ് തകൃതിയായി വിഎച്ച്പി പ്രവർത്തകർ പരിപാടികൾ സംഘടിപ്പിക്കാനൊരുങ്ങുന്നത്.
ജനുവരി ആദ്യവാരം രാമകഥ സപ്താഹം, ഭജന, കീർത്തന പരിപാടികൾ എന്നിവ സംഘടിപ്പിക്കും. പൂനെയിലെയും സമീപ പ്രദേശങ്ങളിലെയും ക്ഷേത്രങ്ങൾ ഉദ്ഘാടനത്തിന് മുന്നോടിയായി അലങ്കരിക്കും. ഉദ്ഘാടന ദിനമായ ജനുവരി 22-ന് എല്ലാ വീടുകളിലും വൈകുന്നേരം ദീപം തെളിക്കാനും പ്രവർത്തകർ നിർദ്ദേശിച്ചു.
നവംബർ 26-ന് പൂനെയിൽ വിഎച്ച്പി കലാശ് യാത്ര നടത്തും. യാത്ര ലാൽ മഹലിൽ നിന്ന് ആരംഭിച്ച് ഫരസ്ഖാന, ദഗ്ദുഷേത് ഹൽവായ് ഗണേഷ് ക്ഷേത്രം, രാഷ്ട്രഭൂഷൺ ചൗക്ക്, സ്വർഗേറ്റ് എന്നിവിടങ്ങളിലൂടെ കടന്ന് ദാദാവാദി ഷെവാംബർ ജൈനക്ഷേത്രത്തിൽ സമാപിക്കും.
