സ്പോർട്സ് കാർ പ്രേമികളുടെ ഇഷ്ട വാഹന നിർമ്മാതാക്കളാണ് ബുഗാട്ടി. ഇന്ത്യയിലും ബുഗാട്ടിയ്ക്ക് ആരാധകരേറെയാണ്. ഇപ്പോൾ, തങ്ങളുടെ ഏറ്റവും പുതിയ വാഹനമായ ബോലൈഡിന്റെ ഡിസൈൻ വിവരങ്ങൾ പുറത്തു വിട്ടിരിക്കുകയാണ് ഫ്രഞ്ച് ആഡംബര സ്പോർട്സ് കാർ നിർമ്മാതാക്കളായ ബുഗാട്ടി. ഫോർമുല 1 (F1) കാറുകളിൽ ഉപയോഗിക്കുന്ന അതേ മെറ്റീരിയലിലാണ് അതിശയിപ്പിക്കുന്ന ഈ റേസിംഗ് കാർ നിർമ്മിച്ചിരിക്കുന്നത്.
311 mph (500 kmph) വേഗത കൈവരിക്കാൻ ബുഗാട്ടി ബോലൈഡിന് സാധിക്കും. ലോകത്തിലെ ഏറ്റവും വേഗതയേറിയ കാറായി ഈ വർഷം വാഹനം തിരഞ്ഞെടുക്കപ്പെട്ടു. ട്രാക്കിൽ മാത്രമുള്ള ഹൈപ്പർ സ്പോർട്സ് കാർ മൾട്ടി-ഡൈമൻഷണൽ സെൻസറി അനുഭവം ബോലൈഡ് നൽകുന്നുവെന്ന് കമ്പനി പറയുന്നു. 40 കാറുകളായിരിക്കും ആദ്യം ഇറക്കുക. നാല് മില്യൺ യൂറോ(36 കോടി രൂപ) വിലയായിരിക്കും വാഹനത്തിന്.
1,450 കിലോഗ്രാം ഭാരമുള്ള ഈ കാർ കോമ്പോസിറ്റ് കാർബൺ ഫൈബറിലാണ് നിർമ്മിച്ചിരിക്കുന്നത്. ഒരു ക്വാഡ്രപ്പിൾ ടർബോചാർജ്ഡ് W16 എഞ്ചിനാണ് കാറിന് നൽകിയിട്ടുള്ളത്. ഒപ്റ്റിമൈസ് ചെയ്ത റേസിംഗ് സീറ്റുകൾ, ഹൈടെക് സ്റ്റിയറിംഗ് വീൽ, സുരക്ഷ, കംഫർട്ട്, പ്രകടനം എന്നിവ പ്രദാനം ചെയ്യുന്ന ബെസ്പോക്ക് ക്രമീകരണങ്ങൾ ഉൾപ്പെടെയാണ് ബൊലൈഡിന്റെ ഇന്റീരിയർ രൂപകല്പന ചെയ്തത്. ബോലൈഡിന്റെ ഡെലിവറി 2024-ൽ ആരംഭിക്കും.
