സൗന്ദര്യ സംരക്ഷണത്തിന് പ്രധാന്യം നൽകുന്നവർക്ക് ഏറെ സഹായകമാണ് കറ്റാർവാഴ. നിരവധി ഔഷധ ഗുണങ്ങളാൽ സമ്പന്നമാണിവ. മുടി തഴച്ച് വളരുന്നതിനും മുഖകാന്തിയ്ക്കും കറ്റാർവാഴ വളരെ പ്രയോജനകരമാണ്. മുഖത്ത് കാണപ്പെടുന്ന കറുത്ത പാടുകൾ, തേമൽ, മുഖക്കുരു എന്നിവ പാടെ അകറ്റി മുഖത്തിന് തിളക്കം നൽകുന്നതിന് കറ്റാർവാഴ ജെൽ സഹായിക്കുന്നു. കറ്റാർവാഴയിൽ ജലാംശം കൂടുതലായതിനാൽ ദിവസേന ഇവ ഉപയോഗിക്കുന്നതിലൂടെ മുഖത്തെ വരൾച്ച ഇല്ലാതാക്കാനും സഹായകമാണ്.
കറ്റാർവാഴ ഉപയോഗിച്ച് മുഖം മിനുക്കേണ്ട വഴികൾ
കറുത്ത പാടുകൾ നീക്കാം
രണ്ട് സ്പൂൺ കറ്റാർവാഴ ജെൽ എടുക്കുക. അതിലേക്ക് കുറച്ച് ചെറുതേൻ ഒഴിക്കണം. ഇത് രണ്ടും നന്നായി ചേർത്ത ശേഷം മുഖത്ത് നന്നായി പുരട്ടി കൊടുക്കുക. മുഖത്ത് പുരട്ടി 15 മിനിറ്റോളം വെച്ചതിന് ശേഷം കഴുകി കളയണം. ദിവസേനയുള്ള ഉപയോഗം കറുത്ത പാടുകൾ നീക്കം ചെയ്യാൻ സഹായിക്കും.
മുഖകാന്തി വർദ്ധിപ്പിക്കാം
കറ്റാർവാഴ ജെല്ലിനൊപ്പം റോസ് വാട്ടർ ഒഴിക്കുക. ഇത് നന്നായി കലർത്തിയ ശേഷം മുഖത്ത് പുരട്ടി കൊടുക്കുക. ഇത് ശീലമാക്കുകയാണെങ്കിൽ മുഖകാന്തി വർദ്ധിക്കുകയും കറുത്ത കുരുക്കൾ ഇല്ലാതാകുകയും ചെയ്യും.
കൺതടത്തിലെ കറുപ്പ് മാറ്റാം
എല്ലാവരെയും അലട്ടുന്ന പ്രശനമാണ് കൺതടത്തിൽ കറുപ്പുണ്ടാകുന്നത്. ഇതിനായി കറ്റാർവാഴ ജെല്ല് എല്ലാ ദിവസവും ഉറങ്ങുന്നതിന് മുമ്പായി കണ്ണിന് ചുറ്റും പുരട്ടി കൊടുക്കണം. ഇത് ശീലമാക്കിയാൽ ദിവസങ്ങൾക്കുള്ളിൽ കൺതടത്തിലെ പാട് മാറ്റാൻ സാധിക്കും.
മുഖത്തെ വരൾച്ച മാറ്റാം
കറ്റാർവാഴ ജെല്ലിൽ കുറച്ച് പഴവും ഒരു സ്പൂൺ തേനും ചേർത്ത് നന്നായി ചേർത്ത ശേഷം മുഖത്ത് പുരട്ടി കൊടുക്കണം. ഇത് ഉണങ്ങുമ്പോൾ തണുത്ത വെള്ളത്തിൽ കഴുകി കളയുക. ഇതിലൂടെ മുഖത്തെ വരൾച്ച പൂർണമായും അകറ്റാൻ സാധ്യമാകും.
മുഖക്കുരു ഇല്ലാതാക്കാം
മുഖക്കുരുവിന് കാരണമാകുന്ന ബാക്ടീരിയകൾ ഇല്ലാതാക്കാൻ കറ്റാർവാഴ സഹായിക്കുന്നു. കറ്റാർവാഴയിൽ അടങ്ങിയിരിക്കുന്ന ആന്റി മൈക്രോബയൽ കറ്റാർവാഴയിലുണ്ട്. ഇത് ദിവസേന ഉപയോഗിക്കുന്നത് മുഖത്തിന് ഉത്തമമാണ്. ഇത് മുഖത്തെ സുഷിരങ്ങൾ ഇല്ലാതാക്കാനും സുഷിരങ്ങൾ അടക്കാനും കറ്റാർവാഴ പാക്ക് ഗുണകരമാണ്.