പട്ന: മൂന്ന് വയസുകാരിയെ പീഡിപ്പിച്ച് കൊലപ്പെടുത്തിയ സംഭവത്തിൽ 20-കാരൻ അറസ്റ്റിൽ. ബിഹാറിലെ മുസാഫർപൂരിലാണ് സംഭവം. സംഭവത്തിൽ പട്ന സ്വദേശി ലാൽ ബാബുവാണ് അറസ്റ്റിലായത്. മാതാവിനൊപ്പം ഉറങ്ങിക്കിടന്ന കുട്ടിയെ തട്ടികൊണ്ട് പോയാണ് ഇയാൾ പീഡിപ്പിച്ച് കൊലപ്പെടുത്തിയത്.
കുട്ടിയെ കാണാതായതോടെയാണ് മാതാപിതാക്കളും ബന്ധുക്കളും തിരച്ചിൽ ആരംഭിച്ചത്. സമീപവാസിയായ ലാൽ ബാബുവിനെ കുട്ടിയുടെ മാതാപിതാക്കൾ ഫോണിൽ വിളിച്ചെങ്കിലും ഇയാൾ പ്രതികരിച്ചിരുന്നില്ല. ഇതോടെ ബന്ധുക്കൾ പോലീസിനെ വിവരമറിച്ചു. തുടർന്ന് പോലീസ് നടത്തിയ തിരച്ചിലിലാണ് കുട്ടിയുടെ മൃതദേഹം കണ്ടെത്തിയത്.
വീട്ടിൽ നിന്നും 200 മീറ്റർ മാറി കൃഷിയിടത്തിൽ നിന്നാണ് കുട്ടിയുടെ മൃതദേഹം കണ്ടെടുത്തത്. ക്രൂരമായി പീഡിപ്പിച്ചതിന് ശേഷം കൊലപ്പെടുത്തി മൃതദേഹം കുഴിച്ചിടുകയായിരുന്നു.
