മഞ്ഞ് പെയ്യുന്ന രാവുകളെയും പുലരിയെയും വരവേൽക്കാനായി ഒരു ക്രിസ്മസ് പുതുവത്സര ദിനങ്ങൾ കൂടി എത്താൻ പോവുകയാണ്. ഏവർക്കും സന്തോഷം പകരുന്ന ഈ ദിനങ്ങൾ ആഘോഷത്തിന്റ നാളുകളായിരിക്കും. എന്നാൽ ചിലർക്കെങ്കിലും ഈ മാസങ്ങൾ ഒരു പേടി സ്വപ്നം പോലെയാണ്. ഈ മാസങ്ങൾ തുടങ്ങി കഴിഞ്ഞാൽ പിന്നെ മുറിയിൽ കയറി ഒരേ ഇരുപ്പ് മാത്രം. സീസണൽ അഫക്റ്റീവ് ഡിസോഡർ എന്നാണ് ഈ അവസ്ഥ അറിയപ്പെടുന്നത്.
പ്രത്യേക മാസങ്ങളിൽ മാത്രം തോന്നുന്ന വിഷാദ രോഗമാണിത്. ദിവസം മുഴുവൻ ഊർജ്ജത നഷ്ടപ്പെട്ട് വിരസത അനുഭവപ്പെടുന്നതു പോലെയും ഈ രോഗമുള്ളവർക്ക് തോന്നും. നിരാശ, വിശപ്പില്ലായ്മ, ഊർജ്ജമില്ലായ്മ തുടങ്ങിയവയാണ് ഇതിന്റെ പ്രധാന ലക്ഷണങ്ങൾ. മനസിനെ നിയന്ത്രിച്ച് നിർത്തുക എന്നതാണ് ഇതുള്ളവർ ചെയ്യേണ്ട പ്രധാന കാര്യം. എന്തൊക്കെ കാര്യങ്ങൾ ചെയ്യാം..
വ്യായാമം ചെയ്യുക
ദിവസവും കുറച്ചു നേരം വ്യായാമം ചെയ്യാൻ ശ്രദ്ധിക്കുക. ഇത് നിങ്ങളിൽ ഡോപ്പോമിന്റെ അളവ് വർദ്ധിപ്പിച്ച് ഉ•േ-ഷവും സന്തോഷവും വർദ്ധിപ്പിക്കാൻ സഹായിക്കുന്നു.
വീട്ടിലുള്ളവരുമായി പരസ്പരം സംസാരിക്കുക
ഒറ്റപ്പെടൽ അനുഭവപ്പെടുന്ന സമയം ചുറ്റുമുള്ളവരായോ സുഹൃത്തുക്കളുമായോ വീട്ടുകാരുമായോ സൗഹൃദ സംഭാക്ഷണങ്ങളിൽ ഏർപ്പെടുക. വായനാ ശീലം വളർത്തിയെടുക്കുക. ഇത് വിഷാദ രോഗത്തിൽ നിന്നും ഒരു പരിധി വരെ നിങ്ങളെ രക്ഷിക്കും.
സൂര്യപ്രകാശം ഏൽക്കുക
പ്രഭാതത്തിൽ ഇളംവെയിൽ ഏൽക്കുന്നത് വിറ്റാമിൻ ഡി ശരീരത്തിൽ വർദ്ധിപ്പിക്കാൻ മാത്രമല്ല മാനസികാരോഗ്യം മെച്ചപ്പെടുത്താനും സഹായിക്കുന്നു.
