തിരുവനന്തപുരം: കേന്ദ്രസർക്കാർ രാജ്യത്തെ സ്ത്രീകളുടെ ഉന്നമനത്തിനാണ് മുൻഗണന നൽകുന്നതെന്ന് കേന്ദ്ര ആരോഗ്യ വകുപ്പ് സഹമന്ത്രി ഡോ. ഭാരതി പ്രവീൺ പവാർ. ചെങ്കലിൽ നടന്ന വികസിത് ഭാരത് സങ്കൽപ് യാത്ര ഉദ്ഘാടനം ചെയ്ത് സംസാരിക്കുകയായിരുന്നു കേന്ദ്ര സഹമന്ത്രി. സൗജന്യ ഗ്യാസ് കണക്ഷൻ, മുദ്ര ലോൺ, വിദ്യാഭ്യാസ വായ്പകൾ, ആയുഷ്മാൻ കാർഡുകൾ എന്നിവയുടെ വിതരണവും മന്ത്രി ചടങ്ങിൽ നിർവ്വഹിച്ചു.
ബിജെപി ജില്ല അദ്ധ്യക്ഷൻ വി.വി. രാജേഷ്, ജനം ടിവി എം.ഡി എസ്. രാജശേഖരൻ നായർ തുടങ്ങിയവർ ചടങ്ങിൽ പങ്കെടുത്തു. കേന്ദ്ര പദ്ധതികൾ ജനങ്ങളിലേക്ക് എത്തിക്കുന്ന വികസിത് ഭാരത് സങ്കൽപ് യാത്രയ്ക്ക് നെയ്യാറ്റിൻകര ചെങ്കലിൽ വലിയ സ്വീകരണമാണ് ലഭിച്ചത്.
https://twitter.com/DrBharatippawar/status/1730164174620393893?s=20
കേന്ദ്രസർക്കാരിന്റെ ജനക്ഷേമ പദ്ധതികൾ രാജ്യത്തുടനീളം സമയബന്ധിതമായി അർഹതപ്പെട്ടവരിൽ എത്തുന്നുവെന്ന് ഉറപ്പാക്കുന്നതിന് വേണ്ടി നവംബർ 15 ന് ഝാർഖണ്ഡിലെ കുന്തിയിൽ പ്രധാനമന്ത്രി നരേന്ദ്രമോദിയാണ് വികസിത് ഭാരത് സങ്കൽപ് യാത്രയ്ക്ക് തുടക്കം കുറിച്ചത്.
