ഈ വാരത്തിൽ ആയില്യം, മകം, പൂരം, ഉത്രം, അത്തം, ചിത്തിര നക്ഷത്രക്കാർ അവരവരുടെ നക്ഷത്രം വരുന്ന ദിവസം വൃതം അനുഷ്ഠിക്കുന്നതും ക്ഷേത്രത്തിൽ പോയി തൊഴുതു യഥാവിധി വഴിപാടുകൾ നടത്തുന്നത് ഉചിതമായിരിക്കും.
വാര – മാസ ഫലങ്ങൾ ഗണിക്കുന്നത് പൊതുവെ ഉള്ള ഗ്രഹസ്ഥിതി അടിസ്ഥാനപ്പെടുത്തിയാണ്. ഇവിടെ പറയുന്നത് ഒരു പൊതു സൂചന മാത്രമായിരിക്കും. അവരവരുടെ ജന്മ ഗ്രഹനില അനുസരിച്ചു യോഗങ്ങളും ദശാപഹാരവും ഒക്കെകൂടി പരിഗണിച്ചാൽ ഈ പൊതു ഫലത്തിന് ഏറ്റക്കുറച്ചിലുകൾ ഉണ്ടാകും. എന്നിരുന്നാലും ഈ പറയുന്ന പൊതുഫലത്തെ സൂചനയായി കണ്ടു, ജാതക നിരൂപണം നടത്തി, ദശാനാഥനെ പ്രീതിപ്പെടുത്തുകയും ഗ്രഹദോഷങ്ങൾ പരിഹരിക്കുകയും ചെയ്താൽ നല്ല സമയത്തിന്റെ ഗുണഫലങ്ങൾ അനുഭവത്തിൽ വരുത്തുവാനും, മോശം സമയം തരണം ചെയ്യുവാനും പ്രയോജനപ്പെടും.
മേടം രാശി: (അശ്വതി, ഭരണി, കാർത്തിക ആദ്യ 1/4 ഭാഗം)
സഞ്ചാര ശീലം കൂടും. കുടുംബം വിട്ടു മാറി നിൽക്കേണ്ട അവസ്ഥ ഉണ്ടാവും. വിദേശത്തു പോകാനുള്ള അനുമതി ലഭിക്കുമെങ്കിലും ഒന്നിലും ഉയർച്ച ഉണ്ടാകാത്ത അവസ്ഥ ഉണ്ടാകും. മാനസീകമായി പലതരത്തിലുള്ള ബുദ്ധിമുട്ടുകൾ ഉണ്ടാകും.സന്താന ദുരിതം കൂടും.
ഇടവം രാശി: (കാർത്തിക അവസാന 3/4 ഭാഗം, രോഹിണി, മകയിര്യം ആദ്യ 1/2 ഭാഗം)
കുടുംബത്തിൽ സമാധാന അന്തരീക്ഷം നഷ്ടപ്പെടും. ഭാര്യാ ഭർത്താക്കന്മാർ തമ്മിലുള്ള പ്രശ്നം കോടതി വരെ എത്തും.ഉദര രോഗം വരാതെ സൂക്ഷിക്കുക.മാതാവിന് അസുഖ൦ കൂടും. തൊഴിൽ പരമായി ഉണ്ടായിരുന്ന ക്ലേശങ്ങൾ വാരാന്ത്യത്തിൽ കുറയും.
മിഥുനം രാശി: (മകയിര്യം അവസാന 1/2 ഭാഗം, തിരുവാതിര, പുണർതം ആദ്യ 3/4 ഭാഗം)
എന്തുകാര്യങ്ങളിലും മനസോടെ ഇറങ്ങിപ്പുറപ്പെട്ട് അതിൽ വിജയം ഉറപ്പിക്കും. എല്ലാ കാര്യങ്ങളിലും ആത്മവിശ്വാസം കൂടും. മനസിന് സന്തോഷം നൽകുന്ന വാർത്തകൾ ഉണ്ടാവും, എന്നിരുന്നാലും കുടുംബ ബന്ധുജനങ്ങളുമായി കലഹം ഉണ്ടാവും.
കർക്കിടകം രാശി: (പുണർതം അവസാന 1/4 ഭാഗം, പൂയം, ആയില്യം)
തൊഴിൽ ക്ലേശം വർദ്ധിക്കുമെങ്കിലും പല സമയത്തും ദൈവാധീനം ഉണ്ടാവുന്ന അനുഭവങ്ങൾ ദൃശ്യമാകും. നേത്ര സംബന്ധമായ അസുഖ൦ ഉള്ളവർ സൂക്ഷിക്കുക. സാമ്പത്തിക ലാഭം, ഭക്ഷണ സുഖം എന്നിവ പ്രതീക്ഷിക്കാം. കോടതി വിജയം, ശത്രുഹാനി എന്നിവ ഉണ്ടാകും.
ചിങ്ങം രാശി: (മകം, പൂരം, ഉത്രം ആദ്യ 1/4 ഭാഗം)
രോഗ ദുരിതം ഉണ്ടായവർക്ക് അതിൽ നിന്നും മോചനം ഉണ്ടാവും. പല സ്രോതസ്സിൽ നിന്നും പണവും ഭാഗ്യാനുഭവങ്ങളും പേരും പ്രശസ്തിയും വന്നു ചേരും. അപവാദങ്ങൾ പറഞ്ഞവർ അത് തിരുത്തി ക്ഷമാപണം നടത്തും. ഭാര്യാഭർതൃ ഐക്യം, നിദ്രാ സുഖം, ഭക്ഷണ സുഖം , തൊഴിൽ വിജയം എന്നിവ ഉണ്ടാവും.
കന്നി രാശി: (ഉത്രം അവസാന 3/4 ഭാഗം, അത്തം, ചിത്തിര ആദ്യ 1/2 ഭാഗം)
അനാവശ്യമായ കൂട്ടുകെട്ടുകൾ പലതരത്തിലുള്ള പണച്ചെലവുകൾ ഉണ്ടാക്കും. അന്യസ്ത്രീ ബന്ധം വഴി മാനഹാനി, കേസുവഴക്കുകൾ എന്നിവ ഉണ്ടാവും. തൊഴിൽ ഇടങ്ങളിൽ പലതരത്തിലുള്ള പ്രശ്നങ്ങൾ രൂക്ഷമാകും. ആരോഗ്യകാര്യങ്ങളിൽ ശ്രദ്ധ ചെലുത്തുന്നത് നല്ലതായിരിക്കും. ഭാഗ്യഹാനി, അലച്ചിൽ എന്നിവ ഉണ്ടാവും.
തുലാം രാശി: (ചിത്തിര അവസാന 1/2 ഭാഗം, ചോതി, വിശാഖും ആദ്യ 3/4 ഭാഗം)
വളരെക്കാലമായി കാണാതിരുന്ന സുഹൃത്തുക്കളെ കണ്ടുമുട്ടും. ആഘോഷവേളകളിൽ പങ്കെടുക്കുവാനും കുടുബാംഗങ്ങൾ ഒരുമിച്ചു ഒത്തുകൂടുവാനും അവസരം ഉണ്ടാവും .വിശേഷപ്പെട്ട പുണ്യ തീർത്ഥ സ്ഥലങ്ങൾ സന്ദർശിക്കുവാൻ അവസരം ഉണ്ടാവും. ധന നേട്ടം, തൊഴിൽ വിജയം, ശയന സുഖം എന്നിവ ഉണ്ടാവും.
വൃശ്ചികം രാശി: (വിശാഖം അവസാന 1/4 ഭാഗം, അനിഴം, തൃക്കേട്ട)
സർക്കാർ സംബന്ധമായ ജോലിക്ക് പരിശ്രമിക്കുന്നവർക്ക് കാലം അനുകൂലമാണ്. കുടുംബത്തിൽ സമാധാന അന്തരീക്ഷം ഉണ്ടാവും. കാര്യവിജയം, മനഃസന്തോഷം, കീർത്തി, ബന്ധുജനസമാഗമം, പുത്ര സുഖം, ധനലാഭം, ആരോഗ്യാവർദ്ധനവ് എന്നിവ ഉണ്ടാവും. പ്രേമകാര്യങ്ങളിൽ തീരുമാനമാകും.
ധനു രാശി: (മൂലം, പൂരാടം, ഉത്രാടം ആദ്യ 1/4 ഭാഗം)
ഭാര്യാഭർതൃ സന്താന കലഹം ഉണ്ടാവും. സർക്കാർ സ്ഥാപനങ്ങളിൽ ജോലിക്കു ഇരിക്കുന്നവർക്ക് സാമ്പത്തീക ഇടപാടുകളിലെ ക്രമക്കേടുകാരണം കോടതി നടപടി നേരിടേണ്ടി വരും.മനസിന് ഭയം ഉണ്ടാവുന്ന അനുഭവങ്ങൾ ഉണ്ടാവും. വാരാന്ത്യം തൊഴിൽ വിജയം, സാമ്പത്തീക ഉന്നതി, ഭാര്യാഭർതൃ ഐക്യം എന്നിവ പ്രതീക്ഷിക്കാം.
മകരം രാശി: (ഉത്രാടം അവസാന 3/4 ഭാഗം, തിരുവോണം, ആദ്യ അവിട്ടം 1/2 ഭാഗം)
ശരീര സുഖ ഹാനി, ആശുപത്രി വാസം എന്നിവ പ്രതീക്ഷിക്കാം. അലർജി, ഉദര രോഗം ഉള്ളവർ സൂക്ഷിക്കുക. സ്വത്തുകേസുകളിൽ കോടതി പരാജയം ഉണ്ടാവും. ശത്രുക്കളെ കൊണ്ടുള്ള ഉപദ്രവം കൂടി ജയിൽ വാസം വരെ ഉണ്ടാവാം.എന്തുകാര്യങ്ങളിലും ഇറങ്ങിപുറപ്പെട്ടാലും തടസം ഉണ്ടാവും.
കുംഭം രാശി: ( അവസാന 1/2 ഭാഗം, ചതയം, പൂരൂരുട്ടാതി ആദ്യ 3/4 ഭാഗം)
ഈ വാരം ഗുണദോഷ സമ്മിശ്രമായിരിക്കും. വാഹന ഭാഗ്യം, തൊഴിൽ വിജയം, ധന നേട്ടം, എവിടെയും മാന്യത, ദാമ്പത്യ ഐക്യം എന്നിവ പ്രതീക്ഷികാം. കുടുംബത്തിൽ മംഗള കർമ്മങ്ങൾ നടക്കുവാനും കുടുബാംഗങ്ങൾ ഒരുമിച്ച് കൂടുവാനും അവസരം ഉണ്ടാവും. വാരാന്ത്യം ആരോഗ്യ ക്കുറവ്, രോഗദുരിതം എന്നിവ വരാൻ സാധ്യത ഉണ്ട്.
മീനം രാശി: (പൂരൂരുട്ടാതി അവസാന 1/4 ഭാഗം, ഉതൃട്ടാതി, രേവതി)
തൊഴിൽ വിജയം, രോഗ ശാന്തി , ദാമ്പത്യ ഐക്യം , ശത്രുഹാനി എന്നിവ ഉണ്ടാവും. സ്ത്രീകളുമായി അടുത്ത് ഇടപഴകാനുള്ള അവസരം വന്നു ചേരും. പലതരത്തിലുള്ള ഭാഗ്യാനുഭവങ്ങളും ഈശ്വരാധീനവും ഉണ്ടാവും. മാനസീകമായി ഉണ്ടായിരുന്ന പ്രശ്നങ്ങൾക്കു പരിഹാരം ഉണ്ടാവും, ദാമ്പത്യത്തിൽ പരസ്പര ഐക്യം വിശ്വാസവും കൂടും.സാമ്പത്തീക ലാഭം, ഭക്ഷണ സുഖം, പ്രശസ്തി എന്നിവ ഉണ്ടാവും.
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Weekly Prediction by Jayarani E.V