ടി20യിലെ പാകിസ്താന്റെ റെക്കോർഡ് തകർത്ത് ഇന്ത്യ. ഇന്നലെ റായ്പൂരിൽ ഓസ്‌ട്രേലിയയ്‌ക്കെതിരായ ടി20 പരമ്പര സ്വന്തമാക്കിയതിന് പിന്നാലെയാണ് ഇന്ത്യ ഈ നേട്ടത്തിലെത്തിയത്. സ്വന്തം മണ്ണിൽ ഏറ്റവും കൂടുതൽ ടി20 വിജയമെന്ന പാകിസ്താന്റെ റെക്കോർഡാണ് ഇന്ത്യ തകർത്ത്. പാകിസ്താന് 135 ജയങ്ങളും ഇന്ത്യക്ക് 136 ജയങ്ങളുമാണ് ഉള്ളത്. ഇത് പതിനാലാം തവണയാണ് ഇന്ത്യ സ്വന്തം നാട്ടിൽ ടി20 പരമ്പര നേടുന്നത്. ഇന്ത്യക്കും പാകിസ്താനും പിന്നിൽ 102 വിജയങ്ങളുമായി ന്യൂസിലൻഡാണ് മൂന്നാമത്.
ജൂണിൽ അമേരിക്കയിലും വെസ്റ്റ് ഇൻഡീസിലുമായി നടക്കുന്ന ടി20 പരമ്പര ഇന്ത്യക്ക് പ്രതീക്ഷ നൽകുന്നതാണ്. ഓസ്‌ട്രേലിയക്കെതിരായ ടി20 പരമ്പരയിൽ യുവതാരങ്ങളെല്ലാം മികച്ച ഫോമിലാണുള്ളത്. റിങ്കു സിംഗിന്റെ പ്രകടനമാണ് ഇതിൽ എടുത്ത് പറയേണ്ടത്. ഐപിഎല്ലിൽ മികച്ച പ്രകടനം കാഴ്ചവച്ച റിങ്കു ഇപ്പോൾ ഇന്ത്യൻ ടീമിന്റ സൂപ്പർ ഫിനിഷറാണ്. ഇന്ത്യക്കു വേണ്ടി ഒമ്പത് ടി-20കളിലാണ് റിങ്കു കളിച്ചിട്ടുള്ളത്. 197.72 സ്ട്രൈക്ക് റേറ്റിൽ 174 റൺസാണ് താരത്തിന്റെ സമ്പാദ്യം.
