പന്ത്രണ്ടാം മലയാളോത്സവത്തിന്റെ ഭാഗമായി മലയാള ഭാഷ പ്രചാരണ സംഘം കല്യാൺ – ഡോംബിവ്ലി മേഖല സംഘടിപ്പിച്ച കലാമത്സരങ്ങൾ നവം 25, 26 തീയതികളിൽ കുമ്പർഘാൻ പാഡയിലെ മോഡൽ സ്കൂളിൽ വച്ചു നടന്നു. 3 വേദികളിലായി നടന്ന കലാമത്സരങ്ങളിൽ പ്രായഭേദമന്യേ നിരവധി പ്രതിഭകളാണ് പങ്കെടുത്തത്. ഏറ്റവും കൂടുതൽ പോയന്റുകൾ കരസ്ഥമാക്കി താക്കുർളി ഏരിയ വീണ്ടും ചാമ്പ്യൻമാരായി.
മേഖലാ പ്രസിഡന്റ് ശ്രീമതി. രജനി സത്യനാഥ് അദ്ധ്യക്ഷത വഹിച്ച സാംസ്കാരിക സമ്മേളനം സാഹിത്യകാരൻ ശ്രീ. കാട്ടൂർ മുരളി ഉദ്ഘാടനം ചെയ്തു. കേരളീയ സമാജം ഡോംബിവ്ലിയുടെ പ്രസിഡന്റ് ശ്രീ രാധാകൃഷ്ണൻ നായർ, എഡ്യുക്കേഷൻ സെക്രട്ടറി ശ്രീ വേണുഗോപാൽ എന്നിവർ ആശംസകൾ അർപ്പിച്ചു കൊണ്ട് സംസാരിച്ചു. മേഖലാ സെക്രട്ടറി ശ്രീ. പ്രശാന്ത് രാജ് മലയാളോത്സവത്തിന്റെ ഉദ്ദേശലക്ഷ്യങ്ങൾ വിവരിച്ചു. ശ്രീമതി ഗിരിജ അശോകൻ സ്വാഗതവും ജയന്തി മനോജ് നന്ദിയും രേഖപ്പെടുത്തി.
