എറണാകുളം: ഇഡി ഉദ്യോഗസ്ഥര്ക്കെതിരെ കേസ് എടുക്കണമെന്ന പെരിങ്ങണ്ടൂര് ബാങ്കിന്റെ ഹര്ജി കോടതി തള്ളി.
കരുവന്നൂര് കേസില് വ്യാജമൊഴി നല്കാന് ബാങ്ക് സെക്രട്ടറിയെ ഭീഷണിപ്പെടുത്തിയെന്ന് ആരോപിച്ചായിരുന്നു ഹര്ജി. ആരോപണത്തിന് തെളിവില്ലെന്നും ആരോപണത്തിന്റെ അടിസ്ഥാനത്തില് കേസ് പരിഗണിക്കാനാകില്ലെന്നും വ്യക്തമാക്കിയാണ് ഹര്ജി തള്ളിയത്.
ബാങ്കിനെതിരെ മാദ്ധ്യമങ്ങള്ക്ക് വ്യാജ വിവരം ചോര്ത്തി നല്കിയെന്ന ആരോപണവും പെരിങ്ങണ്ടൂര് ബാങ്ക് അധികൃതര് ഹര്ജിയില് ഉന്നയിച്ചെങ്കിലും ഇക്കാര്യവും കോടതി പരിഗണിച്ചില്ല. കേസില് റിമാന്ഡിലായ സിപിഎം ലോക്കല് കമ്മിറ്റി അംഗം അരവിന്ദാക്ഷന്റെ അമ്മയുടെ പേരിലുള്ള അക്കൗണ്ട് വിവരങ്ങള് ചര്ച്ചയായതിന് പിന്നാലെയാണ് ബാങ്ക് അധികൃതര് കോടതിയെ സമീപിച്ചത്. കേസില് കോടതിയെ സഹായിക്കാന് അമിക്കസ്ക്യൂറിയെ ചുമതലപ്പെടുത്തിയിരുന്നു. ആരോപണങ്ങളില് കഴമ്പില്ലെന്നായിരുന്നു അമിക്കസ്ക്യൂറി കണ്ടെത്തല്. ഈ റിപ്പോര്ട്ടുകൂടി പരിഗണിച്ചാണ് നടപടി.