പരിക്കേറ്റ് ടീമിൽ നിന്ന് പുറത്തായ ഇന്ത്യൻ ഓൾറൗണ്ടർ ഹാർദിക് പാണ്ഡ്യയെ കണക്കറ്റ് പരിഹസിച്ച് മുൻതാരം അജയ് ജഡേജ. ഒരു സ്പോർട്സ് ചാനലിന് നൽകിയ അഭിമുഖത്തിലാണ് താരം ഹാർദികിനെതിരെ വിമർശമുയർത്തിയത്.വളരെ അപൂര്വമായി മാത്രം ഗ്രൗണ്ടില് കാണുന്ന അപൂര്വ പ്രതിഭയാണ് ഹാര്ദിക് എന്നാണ് ജഡേജ തുറന്നടിച്ചത്.
പേസ് ഓള് റൗണ്ടര് എന്ന നിലയില് അപൂര്വ പ്രതിഭയല്ലെ ഹാര്ദിക് എന്ന് അവതാരകന് ചോദിച്ചപ്പോഴായിരുന്നു മുൻ താരത്തിന്റെ പരാമർശം.‘പേസ് ബൗളിംഗ ഓള് റൗണ്ടറെ വളരെ അപൂര്വമായി മാത്രമാണു ലഭിക്കുക. നിങ്ങള്ക്ക് ഞാന് പറഞ്ഞതിന്റെ അര്ത്ഥം മനസിലായില്ലെ. ഹാര്ദിക് പാണ്ഡ്യ ഒരു ‘അപൂര്വ’ പ്രതിഭയാണ്. അപൂര്വമായി മാത്രമാണ് അദ്ദേഹത്തെ ഗ്രൗണ്ടില് കാണാന് സാധിക്കുക’- അജയ് ജഡേജ പൊട്ടിച്ചിരിയോടെ പറഞ്ഞു.
ലോകകപ്പിൽ ബംഗ്ലാദേശിനെതിരെ കളിക്കുമ്പോഴാണ് താരത്തിന് പരിക്കേറ്റത്. പിന്നീട് ലോകകപ്പിൽ നിന്ന് പാണ്ഡ്യ പുറത്തായി.ഇതോടെ ടീമിന്റെ സന്തുലനം നഷ്ടപ്പെട്ടെന്നും വിലയിരുത്തലുകളുണ്ടായി.
