അവിസ്മരണീയമായ ഒരു ലോകകപ്പായിരുന്ന ഓസ്ട്രേലിയന് താരം ഗ്ലെന് മാക്സ് വെല്ലിന് ഇന്ത്യയിലേത്. ആറാം കിരീടം ഉയര്ത്തിയപ്പോള് ഓസ്ട്രേലിയയുടെ നെടുംതൂണുകളിലൊരാളായിരുന്നു മാക്സി. ഇപ്പോള് തന്റെ കരിയറിനെക്കുറിച്ച് 35കാരന് നടത്തിയ പരാമര്ശങ്ങളാണ് വൈറലായത്.
‘ഞാന് കളിക്കുന്ന അവസാന ടൂര്ണമെന്റ് ഒരു പക്ഷേ ഐ.പി.എല് ആകും. എനിക്ക് നടക്കാന് കഴിയുന്നതുവരെ ഞാന് ഐപിഎല് കളിക്കും. എന്റെ കരിയറില് ഐപിഎല് ചെലുത്തിയ സ്വാധീനം ചെറുതല്ല. കണ്ടുമുട്ടിയ സഹതാരങ്ങള്, പരിശീലകര് അന്താരാഷ്ട താരങ്ങള് ഇവരോടൊക്കെ തോളുരുമി പ്രവര്ത്തിക്കാനയതിന്റെ ഗുണം എന്റെ കരിയറിലുടനീളം ഉണ്ടായിട്ടുണ്ട്.
നിങ്ങള് എബിഡിക്കും കോലിക്കുമൊപ്പം തുടര്ച്ചയായി രണ്ടുമാസം ഇടപഴകുക അവരുമായി സമയം ചെലവഴിക്കുക, ഏതൊരു താരവും ആഗ്രഹിക്കുന്നതിനും വലിയൊരു അനുഭവമായിരുന്നു അത്.- മാക്സ് വെല് പറഞ്ഞു. ബിഗ് ബാഷ് ലീഗില് മെല്ബണ് സ്റ്റാര്സിന്റെ നായകനായ മാക്സി ഐപിഎല്ലില് റോയല് ചലഞ്ചേഴ്സ് ബാംഗ്ലൂര് താരമാണ്.