നിരവധി ആരോഗ്യ ഗുണങ്ങൾ അടങ്ങിയ ഒരു പച്ചക്കറിയാണ് കോളിഫ്ലവർ. മനുഷ്യ ശരീരത്തിന് ആവശ്യമായ വിറ്റാമിൻ സി, ഒമേഗ 3 ഫാറ്റി ആസിഡ്, നാരുകൾ, ഇരുമ്പ്, കാത്സ്യം എന്നിവ ധാരാളമായി കോളിഫ്ലവറിൽ അടങ്ങിയിട്ടുണ്ട്. കൂടാതെ വിറ്റാമിൻ കെ, വിറ്റാമിൻ ബി6, വിറ്റാമിൻ ബി5 ന്റെയും കലവറയാണ് കോളിഫ്ലവർ. അതുകൊണ്ടുതന്നെ ദിവസവും നമ്മുടെ ഭക്ഷണത്തിൽ കോളിഫ്ലവർ ഉൾപ്പെടുത്തുന്നത് വളരെ നല്ലതാണ്. എന്തൊക്കെയാണ് കോളിഫ്ലവറിന്റെ ഗുണങ്ങളെന്ന് നോക്കാം..
തലച്ചോറിന്റെ വികാസത്തിന് ആവശ്യമായ പല ഘടകങ്ങളും കോളിഫ്ലവറിൽ അടങ്ങിയിട്ടുണ്ട്. ഗ്ലൂട്ടൻ രഹിതവും കോളിന്റെ ഉറവിടവുമാണ്. അതുകൊണ്ടുതന്നെ ഓർമ്മയ്ക്കും മാനിസകാരോഗ്യത്തിനും ആവശ്യമായ ഒരു പോഷകം കൂടിയാണ് ഇതെന്ന് പറയാം. സൾഫോറാഫെയ്ൻ എന്ന സസ്യ സംയുക്തത്തിന്റെ സാന്നിധ്യം അടങ്ങിയിരിക്കുന്നതിനാൽ ഹൃദയത്തിന്റെ ആരോഗ്യത്തിന് അനുയോജ്യമായ പച്ചക്കറി കൂടിയാണിത്. കൂടാതെ കൊളസ്ട്രോൾ കുറയ്ക്കാനും കോളിഫ്ലവർ ഉത്തമമാണ്.
രക്തത്തിലെ പഞ്ചസാരയുടെ അളവ് കുറയ്ക്കാൻ കോളിഫ്ലവറിന് ഒരു പരിധി വരെ കഴിയും. പൊട്ടാസ്യം ധാരാളം അടങ്ങിയിട്ടുള്ളതിനാൽ കോളിഫ്ലവർ രക്ത സമ്മർദ്ദം കുറയ്ക്കാനും സഹായിക്കും. കരളിന്റെ ആരോഗ്യത്തിനും കോളിഫ്ലവർ ഉത്തമമാണ്. ക്യാൻസർ സാധ്യതകളെ ഒരു പരിധിവരെ തടയാൻ സഹായിക്കുന്ന ഫൈറ്റോന്യൂട്രിയന്റുകളായ സൾഫോറാഫേൽ, ഇൻഡോൾ-3 കാർബിനോൾ, ഗ്ലൂക്കോസിനോലേറ്റ്സ് എന്നിവയുടെയും സ്രോതസാണ് കോളിഫ്ലവർ.
വിറ്റാമിൻ സിയും മറ്റ് ആന്റി ഓക്സിഡന്റുകളും അടങ്ങിയിരിക്കുന്നതിനാൽ തന്നെ ശരീരത്തിന്റെ രോഗപ്രതിരോധ ശക്തി കൂട്ടാൻ കോളിഫ്ലവർ കഴിക്കുന്നത് നല്ലതാണ്. പൊട്ടാസ്യം ധാരാളം അടങ്ങിയ കോളിഫ്ലവർ ഉയർന്ന രക്തസമ്മർദ്ദത്തെ കുറയ്ക്കാനും സഹായിക്കും. കോളിഫ്ലവർ കഴിക്കുന്നത് കരളിന്റെ ആരോഗ്യത്തിനും ഏറെ നല്ലതാണ്.
ഇതിനെല്ലാം പുറമെ ശരീരഭാരം കുറക്കുന്നവർക്ക് ഡയറ്റിൽ ഉൾപ്പെടുത്താവുന്ന പച്ചക്കറിയാണ്. ഫൈബർ ധാരാളം അടങ്ങിയ കോളിഫ്ലവർ ദഹനം മെച്ചപ്പെടുത്താൻ സഹായിക്കും. മലബന്ധം അകറ്റാനും കുടലിന്റെ ആരോഗ്യത്തിനായും ഇവ ഡയറ്റിൽ ഉൾപ്പെടുത്താവുന്നതാണ്. ഒരു കപ്പ് കോളിഫ്ലറിൽ മൂന്ന് ഗ്രാം ഫൈബർ അടങ്ങിയിട്ടുണ്ട്. കൂടാതെ കലോറിയും കാർബോയും കുറഞ്ഞ കോളിഫ്ലവർ ശരീരത്തിലെ കൊഴുപ്പ് അകറ്റാൻ സഹായിക്കും.
