ലക്നൗ: 2023-ലെ ഏകദിന ലോകകപ്പിലെ ഇന്ത്യയുടെ വിജയങ്ങൾക്ക് നിർണായക പങ്കുവഹിച്ച താരമായിരുന്നു പേസർ മുഹമ്മദ് ഷമി. 24 വിക്കറ്റുമായി ലോകകപ്പിലെ വിക്കറ്റ് വേട്ടക്കാരിൽ ഒന്നാമതായിരുന്നു താരം. ഉത്തർ പ്രദേശിൽ അംറോഹയിലുള്ള താരത്തിന്റെ ഫാം ഹൗസിന് മുന്നിൽ എത്തിയ ആരാധകരുടെ വീഡിയോയും ചിത്രങ്ങളുമാണ് ഷമി തന്റെ സമൂഹമാദ്ധ്യമ അക്കൗണ്ടിൽ പങ്കുവച്ചിരിക്കുന്നത്. ഗേറ്റിന് മുന്നിൽ ആരാധകരുടെ തിരക്ക് അനുഭവപ്പെട്ടതോടെ സുരക്ഷയും ശക്തിപ്പെടുത്തി. താരത്തിനൊപ്പം ഫോട്ടോയെടുക്കാനും ഓട്ടോഗ്രാഫ് വാങ്ങാനുമാണ് ആരാധകർ ഫാം ഹൗസിലെത്തിയത്.
View this post on Instagram
“>
ഗേറ്റിന് മുന്നിൽ ക്യൂ പാലിച്ച് ആരാധകർ നിൽക്കുന്നതും സുരക്ഷ ഉദ്യോഗസ്ഥർ ഇവരെ പരിശോധിച്ചതിന് ശേഷം അകത്തേക്ക് കടത്തി വിടുന്നതും വീഡിയോയിൽ കാണാം. താരം ആരാധകരുടെ ബാറ്റുകളിൽ ഒപ്പ് വയ്ക്കുന്നതും അവർക്കൊപ്പം ഫോട്ടോ എടുക്കുന്നതും വീഡിയോയിൽ കാണാം. അഞ്ച് മില്യണിലധികം ആളുകളാണ് ഇൻസ്റ്റഗ്രാമിൽ പങ്കുവച്ച വീഡിയോ ഇതിനോടകം കണ്ടത്.