പലപ്പോഴും രോഗങ്ങൾ വരുമ്പോൾ പ്രതിരോധശേഷിയുടെ കുറവാണെന്ന് പറയുന്നത് കേൾക്കാറില്ലേ?. മനുഷ്യശരീരത്തിന് ഏറ്റവും അത്യാവശ്യമായി വേണ്ട ഒന്നാണ് പ്രതിരോധ ശേഷി. രോഗങ്ങളിൽ നിന്നും നമ്മെ പ്രതിരോധിച്ച് നിർത്തുന്നത് ശരീരത്തിലെ പ്രതിരോധ സംവിധാനമാണ്.
എന്നാൽ പലപ്പോഴും പല കാരണങ്ങളാലും അതിൽ കുറവ് വരാം. ഭക്ഷണ ക്രമം, പ്രോട്ടീൻ, വിറ്റാമിനുകൾ എന്നിവയുടെ കുറവ് എന്നിവയെല്ലാം ശരീരത്തിലെ പ്രതിരോധ സംവിധാനത്തെ ബാധിക്കാം. അത്തരത്തിൽ ഇവയെ ബാധിക്കുന്ന ചില കാര്യങ്ങളിതാ..
1. ക്രമരഹിതമായ ഭക്ഷണക്രമം
ശരിയായ ഭക്ഷണ ക്രമം മികച്ച ആരോഗ്യം പ്രദാനം ചെയും. എന്നാൽ ക്രമരഹിതമായ ഭക്ഷണക്രമം വഴി ശരീരത്തിലെ ആവശ്യ പോഷകങ്ങളായ വിറ്റാമിൻ എ,സി,ഇ, സിങ്ക്, സെലിനിയം എന്നിവയുടെ കുറവ് രോഗപ്രതിരോധശേഷി കുറയ്ക്കുന്നതിന് കാരണമാവും. ഇത് പെട്ടെന്ന് അസുഖങ്ങൾ പിടിപെടുന്നതിന് വഴിവക്കും.
2. സമ്മർദ്ദം
ഒരു മനുഷ്യൻ സമ്മർദ്ദത്തിലായിരിക്കുമ്പോൾ കോർട്ടിസോൾ പോലുള്ള സ്ട്രെസ് ഹോർമോണുകൾ കൂടുതലായി ഉത്പാദിപ്പിക്കും. ഇത് പ്രതിരോധ സംവിധാനത്തെ ദോഷകരമായി ബാധിക്കും. അതു വഴി കൂടുതൽ രോഗങ്ങൾ പിടിപെടാനുള്ള സാധ്യത കൂടുതലാണ്.
3. പ്രമേഹം
അമിതമായി പ്രമേഹമുള്ളവരിൽ പ്രതിരോധ ശേഷി വളരെ കുറവായിരിക്കും. കൂടാതെ കുടലിൽ അണുബാധ പോലെയുള്ള അസുഖങ്ങൾക്കും കാരണമാവും. ഇത് പ്രതിരോധ സംവിധാനത്തെ തകരാറിലാക്കുന്നതിൽ സാധ്യത കൂടുതലാണ്.
4. ഭയം, ഉത്കണഠ
ഭയവും ഉത്കണഠയും ശരീരത്തിലെ പ്രതിരോധ സംവിധാനത്തെ ബാധിക്കുന്നതിൽ നിർണ്ണായക പങ്ക് വഹിക്കുന്നുണ്ട്. ലിംഫോസൈറ്റ്സുകളുടെ പ്രവർത്തനത്തെയും നാച്ചുറൽ കില്ലിംഗ് സെല്ലുകളുടെ പ്രവർത്തനത്തെയും ബാധിക്കും. മനുഷ്യ ശരീരത്തിൽ പ്രതിരോധ സംവിധാനത്തെ ബാധിക്കുന്ന പ്രശ്നങ്ങളാണിത്. കൂടാതെ കോർട്ടിസോൾ പോലുള്ള സ്ട്രെസ് ഹോർമോണുകളുടെ പ്രവർത്തനത്തെയും ഇത് ബാധിക്കും.