വയനാട്: വാകേരിയിലെ നരഭോജി കടുവയെ തിരിച്ചറിഞ്ഞതായി വനം വനംകുപ്പ്. വയനാട് വന്യജീവി സങ്കേതത്തിലെ WWL 45 എന്ന കടുവയാണ് പ്രജീഷിനെ കൊന്നത്. കടുവകളുടെ സെൻസസ് നടത്തിയ സമയത്ത് വന്യജീവി സങ്കേതത്തിലുള്ള ഈ കടുവയെ വനം വകുപ്പ് കണ്ടെത്തി ലിസ്റ്റ് ചെയ്തിരുന്നു. 13 വയസ്സ് പ്രായമുള്ള ആൺ കടുവയാണിത്.
വകുപ്പ് നിയോഗിച്ച റാപ്പിഡ് റെസ്പോൺസ് ടീം കടുവയുടെ നീക്കം നിരീക്ഷിച്ചു വരുന്നുണ്ട്. കടുവയെ മയക്കുവെടിവക്കാനുള്ള ദൗത്യം ആരംഭിച്ച് കഴിഞ്ഞിട്ടുണ്ട്. അതിനായി വെറ്ററിനറി ടീം ബേസ് ക്യാമ്പിലെത്തി. കടുവയെ ദൗത്യ സംഘം നിരീക്ഷിച്ച് കൊണ്ടിരിക്കുകയാണെന്ന് വനം വകുപ്പ് അറിയിച്ചു.
