പുത്തൻ സംരംഭത്തിലേക്ക് ചുവടുവെച്ച അപർണ ബാലമുരളിക്ക് ആശംസകൾ അറിയിച്ച് തെന്നിന്ത്യൻ താരം നയൻതാര. അപർണ ബാലമുരളി വസ്ത്ര വ്യാപാരത്തിലേക്ക് ചുവട് വെക്കുന്ന വിവരം നയൻതാരയാണ് ഔദ്യോഗികമായി പങ്കുവെച്ചത്. നിന്നെയോർത്ത് അഭിമാനം തോന്നുന്നുവെന്ന് നയൻതാര ഇൻസ്റ്റാഗ്രാമിൽ കുറിച്ചു.
‘അപർണക്ക് അഭിനന്ദനങ്ങൾ, നിന്നെയോർത്ത് അഭിമാനം തോന്നുന്നു. പുത്തന്‍ സംരംഭത്തിന് എല്ലാവിധ ആശംസകളും’ എന്നാണ് വിഡിയോ പങ്കുവച്ചുകൊണ്ട് നയന്‍താര ഇന്‍സ്റ്റാഗ്രാമില്‍ കുറിച്ചത്. സുഹൃത്തുക്കളായ പൂജാ ദേവ്, ബിയോ ഷാ എന്നിവരോടൊപ്പമാണ് അപർണ പുതിയ സംരംഭം ആരംഭിച്ചത്. എലീസ്യൻ ഡ്രീംസ്കോപ്പ്സ് എന്നാണ് സംരഭത്തിന് പേരിട്ടിരിക്കുന്നത്.
നയൻതാരയുടെ ആശംസകൾക്ക് പിന്നാലെ നന്ദി അറിയിച്ച് അപർണയും രംഗത്തെത്തിയിട്ടുണ്ട്. കാളിദാസ് ജയറാമിന്റെയും മാളവിക ജയറാമിന്റെയും വിവാഹ നിശ്ചയത്തിന്റെ ഇവന്റ് ഓർഗനൈഷൻ അപർണ എലീസ്യൻ ഡ്രീംസ്കോപ്പ്സായിരുന്നു.
