സിനിമാ താരങ്ങളുടെ വസ്ത്രത്തിന്റെയും ആഡംബരകാറുകളുടെയും വാച്ചുകളുടെയുമൊക്കെ വില അറിയാനും അവ ഏത് ബ്രാൻഡാണെന്ന് കണ്ടെത്താനും പൊതുവെപ്രേക്ഷകർക്ക് അതിയായ ഇഷ്ടമാണ്. പലപ്പോഴും നിരവധി സെലിബ്രിറ്റികൾ ഉപയോഗിക്കുന്ന ബ്രാൻഡഡ് വസ്തുക്കൾ സമൂഹമാദ്ധ്യമങ്ങളിൽ വൈറലാകാറുമുണ്ട്. ഇത്തരത്തിൽ ഇപ്പോൾ ശ്രദ്ധിക്കപ്പെടുന്നത് മോഹൻലാൽ നേരിന്റെ പ്രമോഷനുമായി ബന്ധപ്പെട്ട അഭിമുഖങ്ങളിൽ എത്തിയപ്പോൾ ഉപയോഗിച്ചിരുന്ന വാച്ചുകളുടെ വിലയും ഏത് ബ്രാൻഡ് എന്നതുമാണ്.
മോഹൻലാൽ ധരിച്ചിരിക്കുന്ന വാച്ചുകളിൽ ഒന്നാണ് പടേക്ക് ഫിലിപ്പ്. ഏകദേശം 75-80 ലക്ഷം രൂപയാണ് ഈ വാച്ചിന്റെ വില. വാച്ചിന്റെ ഗോൾഡൻ
പതിപ്പാണ് മോഹൻലാൽ ഉപയോഗിക്കുന്നത്. മോഹൻലാൽ ധരിച്ചിരിക്കുന്ന അടുത്ത വാച്ച് ആണ് ഹുബ്ലോ. ഒരു ഓട്ടോമാറ്റിക് മൂവ്മെന്റ് വാച്ച് ആണിത്. ഏകദേശം 18 ലക്ഷം രൂപയാണ് വില വരുന്നത്. 2005 ൽ ആണ് ഈ മോഡൽ ബ്രാൻഡ് പുറത്തിറക്കിയത്.
മറ്റൊരു അഭിമുഖത്തിൽ റോളക്സ് യാച്ച് മാസ്റ്റർ വാച്ച് ആയിരുന്നു മോഹൻലാൽ ഉപയോഗിച്ചിരുന്നത്. സ്റ്റീൽ, ഗോൾഡ് പതിപ്പുകളിൽ വരുന്ന ഈ വാച്ചിന് വ്യത്യസ്ത പതിപ്പുകളെ ആശ്രയിച്ച് 15 ലക്ഷം മുതൽ 35 ലക്ഷം വരെയാണ് വില.
ഏറ്റവും അധികം ആളുകൾ ചർച്ച ചെയ്ത വാച്ചിനെക്കുറിച്ചാണ് ഇനി പറയുന്നത്. ഒരു സ്വിസ് ആഡംബര വാച്ചായ റിച്ചാർഡ് മില്ലെയാണ് മോഹൻലാലിന്റെ ഒരു വാച്ച്. ഈ വാച്ചിന്റെ കെയ്സ് നിർമിക്കുന്നിന് വൈറ്റ് ഗോൾഡ്, റെഡ് ഗോൾഡ്, ടൈറ്റാനിയം തുടങ്ങിയ ലോഹങ്ങൾ മാത്രം ഉപയോഗിച്ചാണ്. ഏകദേശം ഒന്നര കോടി രൂപ മുതൽ രണ്ടര കോടി രൂപവരെയാണ് ഇതിന്റെ വില.
