ആലപ്പുഴ: നവകേരള സദസ്സിൽ പങ്കെടുത്ത് ക്ഷീണിച്ചവർക്ക് തൊഴിൽദിനത്തിൽ വിശ്രമം അനുവദിച്ച് തൊഴിലുറപ്പ് മേറ്റ്. തൊഴിലുറപ്പ് ജോലിക്ക് എത്തിയപ്പോൾ നവകേരള സദസ്സിൽ പങ്കെടുത്തവർ മടങ്ങി പോക്കോളാനും മറ്റുള്ളവർ ജോലി ചെയ്യണമെന്നും നിർദേശിച്ചതായി പരാതി. അമ്പലപ്പുഴയിാലണ് സംഭവം.
പഞ്ചായത്തിലെ കറിവേപ്പ് കൃഷിയുമായി ബന്ധപ്പെട്ട ജോലിക്ക് 35 തൊഴിലാളികൾ മസ്റ്റർ റോളിൽ ഒപ്പിട്ട് പണിക്കിറങ്ങി. ഇവരിൽ 12 തൊഴിലാളികൾ പുന്നപ്ര കപ്പക്കടയിൽ നടന്ന അമ്പലപ്പുഴ മണ്ഡലത്തിന്റെ നവകേരള സദസ്സിൽ പങ്കെടുത്തിരുന്നില്ല. ഇവർമാത്രം ജോലി ചെയ്യാനും മറ്റുള്ളവർ ശമ്പളത്തോടെ വിശ്രമിക്കാനുമായിരുന്നു നിർദ്ദേശം. സംഭവം വിവാദമായതോടെ ജനപ്രതിനിധികൾ ഇടപെട്ട് തൊഴിലുറപ്പ് ജോലി നിർത്തിവെപ്പിച്ചു.