വിമാനത്താവളത്തിൽ വച്ച് സ്റ്റാഫിനോട് കയർത്ത് സംസാരിക്കുന്ന സെയ്ഫ് അലിഖാന്റെ വീഡിയോ സമൂഹമാദ്ധ്യമങ്ങളിൽ നിറയുന്നു. മുംബൈ വിമാനത്താവളത്തില്‍ നിന്നുള്ളതാണ് ദൃശ്യങ്ങൾ. വിമാനത്താവളത്തിന് ഉള്ളിലേക്ക് പോയിരുന്ന കരീന കപൂര്‍ സെയ്ഫ് വഴക്കിടുന്നത് കണ്ട് പുറത്തേക്ക് ഇറങ്ങി വരുന്നതും ദൃശ്യങ്ങളിൽ കാണാവുന്നതാണ്.
സെയ്ഫ് അലിഖാൻ സ്റ്റാഫിന് നേരെ കൈ ചൂണ്ടി സംസാരിക്കുന്നതും ദൃശ്യങ്ങളിൽ കാണാവുന്നതാണ്. തന്റെ ജീവനക്കാരോട് പരുക്കനായി പെരുമാറുന്ന സെയ്ഫിനെതിരെ വൻ വിമർശനങ്ങളാണ് സമൂഹമാദ്ധ്യമങ്ങളിൽ ഉയരുന്നത്. സ്റ്റാഫ് എന്ത് തെറ്റാണ് ചെയ്തതെന്നും സോഷ്യല്‍ മീഡിയ ഒന്നാകെ ചോദിക്കുന്നു.
സെയ്ഫും കരീനയും മക്കളുമായി ക്രിസ്തുമസ് വെക്കേഷനായാണ് വിദേശത്തേക്ക് പോയത്. ‘ദേവര’ എന്ന ചിത്രമാണ് സെയ്ഫിന്റേതായി അണിയറയിൽ ഒരുങ്ങുന്നത്.
