തീയേറ്ററിലെത്താൻ ദിവസങ്ങൾ മാത്രം ബാക്കി നിൽക്കെ സലാറിന് വൻ പ്രമോഷനാണ് അണിയറപ്രവർത്തകർ ഒരുക്കിയിരിക്കുന്നത്. ഏറ്റവും വലിയ പ്രമോഷനായ രാജമൗലിയോടൊപ്പമുള്ള അഭിമുഖം നാളെ പുറത്ത് വരും. അതിന് മുമ്പായി സലാർ റിലീസ് ട്രെയിലറാണ് ഇപ്പോൾ അണിയറക്കാർ പുറത്ത് വിട്ടിരിക്കുന്നത്. ചിത്രത്തിന്റെ ഒഫിഷ്യല് ട്രെയ്ലറും ആരാധകർക്കിടയിൽ വലിയ തരംഗമായിരുന്നു.
നിർമ്മതാക്കളായ ഹോംബാലെ ഫിലിംസിന്റെ യൂട്യൂബ് ചാനലിലൂടെയാണ് ട്രെയിലർ പുറത്തുവിട്ടത്. ഒഫിഷ്യല് ട്രെയ്ലറിനെക്കാൾ വൻ ആവേശം നൽകുന്നതാണ് റിലീസ് ട്രെയിലർ. ആദ്യ ട്രെയ്ലറിന് 3.47 മിനിറ്റ് ദൈര്ഘ്യം ഉണ്ടായിരുന്നുവെങ്കില് പുതിയ ട്രെയ്ലറിന്റെ ദൈര്ഘ്യം 2.53 മിനിറ്റ് ആണ്. ‘സുൽത്താൻ ആഗ്രഹിക്കുന്നവൻ നടത്തി കൊടുത്തവൻ സുൽത്താന്റെ എതിരാളികളെ നിഗ്രഹിക്കുന്നവൻ…’ എന്നാണ് ട്രെയിലറിൽ പ്രഭാസിന് നൽകുന്ന ഇൻട്രോ.
പ്രശാന്ത് നീൽ ചിത്രത്തിൽ പ്രഭാസിനും പൃഥിരാജിനുമൊപ്പം ശ്രുതി ഹാസനാണ് നായികയായി എത്തുന്നത്. ജഗപതി ബാബു, ബോബി സിംഹ, ടിന്നു ആനന്ദ്, ഈശ്വരി റാവു, ശ്രിയ റെഡ്ഡി, രാമചന്ദ്ര രാജു, മധു ഗുരുസ്വാമി, ജോണ് വിജയ്, സപ്തഗിരി, ഝാന്സി, മിമെ ഗോപി, സിമ്രത് കൗര് തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. സൗഹൃദകഥ പറയുന്ന ചിത്രം രണ്ട് ഭാഗങ്ങളായിട്ടാണ് എത്തുക. ആദ്യ ഭാഗമായ സലാർ പാർട്ട് 1- സീസ്ഫയറിലൂടെ രണ്ടു സുഹൃത്തുക്കളുടെ കഥയുടെ പാതി പ്രേക്ഷകരിൽ എത്തിക്കാനാണ് അണിയറ പ്രവർത്തകർ ഒരുങ്ങുന്നത്.
പൃഥ്വിരാജ് പ്രോഡക്ഷൻസും മാജിക് ഫ്രെയിംസും ചേർന്നാണ് സലാർ കേരളത്തിലെ തീയേറ്ററുകളിൽ എത്തിക്കുന്നത്. ഛായാഗ്രഹണം – ഭുവൻ ഗൗഡ, പ്രൊഡക്ഷൻ ഡിസൈനർ – ടി എൽ വെങ്കടചലപതി, ആക്ഷൻസ് – അൻമ്പറിവ്, കോസ്റ്റും – തോട്ട വിജയ് ഭാസ്കർ, എഡിറ്റർ – ഉജ്വൽ കുൽകർണി, വി എഫ് എക്സ് – രാഖവ് തമ്മ റെഡ്ഡി. പി ആർ ഒ. – മഞ്ജു ഗോപിനാഥ്, മാർക്കറ്റിംഗ് ബ്രിംഗ് ഫോർത്ത് അഡ്വടൈസിംഗ്.
