ന്യൂഡൽഹി: ഉപരാഷ്‌ട്രപതി ജഗദീപ് ധൻകറിനെ അധിക്ഷേപിച്ച് തൃണമൂൽ എംപി കല്യാൺ ബാനർജി. പാർലമെന്റ് പടിക്കൽ ഇൻഡി സഖ്യ എംപിമാർ നടത്തിയ പ്രതിഷേധ ധർണക്കിടെയാണ് സംഭവം. കല്യാൺ ബാനർജി ഉപരാഷ്ട്രപതിയെ വികലമായി അനുകരിച്ച് കാണിക്കുകയായിരുന്നു. സംഭവം മാദ്ധ്യമങ്ങളിലൂടെ പുറത്ത് വന്നതിന് പിന്നാലെ വൻ പ്രതിഷേധമാണ് എംപിക്കെതിരെ ഉയരുന്നത്.
അപഹസിച്ചുകൊണ്ടുള്ള കല്യാൺ ബാനർജിയുടെ അവതരണം മൊബൈലിൽ പകർത്തിയത് രാഹുലും എഐസിസി ജനറൽ സെക്രട്ടറി വേണുഗോപാലും ചേർന്നാണ്. ഉപരാഷ്ട്രപതിയെ അധിക്ഷേപിക്കുന്നത് കണ്ടുരസിച്ച് ദൃശ്യങ്ങൾ പകർത്തിയ രാഹുലിനെതിരെയും സമൂഹമാദ്ധ്യമങ്ങളിൽ പ്രതിഷേധം ഉയരുന്നുണ്ട്.
സഭാ നടപടികൾ തടസ്സപ്പെടുത്തിയ 78 എംപിമാരെ പാർലമെന്റിൽ നിന്നും സസ്‌പെൻഡ് ചെയ്തിരുന്നു. 45 രാജ്യസഭ എംപിമാരെയും 33 ലോക്‌സഭാ എംപിമാരെയുമാണ് സസ്‌പെൻഡ് ചെയ്തത്. ഇതിനെതിരെയുള്ള പ്രതിഷേധത്തിനിടെയായിരുന്നു ഉപരാഷ്‌ട്രപതിക്കെതിരെ തൃണമൂൽ എംപിയുടെ അധിക്ഷേപം.
