ന്യൂഡൽഹി: മുൻ പ്രധാനമന്ത്രി അടൽ ബിഹാരി വാജ്പേയിയുടെ ജന്മവാർഷികത്തിൽ അദ്ദേഹത്തെ അനുസ്മരിച്ച് പ്രധാനമന്ത്രി നരേന്ദ്രമോദി. രാഷ്ട്ര നിർമ്മാണത്തിന് വഴിതെളിക്കാൻ ജീവിതം ഉഴിഞ്ഞുവച്ച വ്യക്തിത്വമായിരുന്നു വാജ്പേയിയെന്ന് നരേന്ദ്രമോദി പറഞ്ഞു. ഭാരതാംബയെ സേവിക്കാനായി സമർപ്പിക്കപ്പെട്ട അദ്ദേഹത്തിന്റെ ജീവിതം എല്ലാകാലത്തും പ്രേരണപകരുമെന്നും പ്രധാനമന്ത്രി കൂട്ടിച്ചേർത്തു.
മുൻ പ്രധാനമന്ത്രി അടൽ ബിഹാരി വാജ്പേയിയുടെ ജന്മദിനമായ ഇന്ന് രാജ്യത്തെ എല്ലാ അംഗങ്ങളുടെയും പേരിൽ അദ്ദേഹത്തിന് കോടി കോടി പ്രണാമം അർപ്പിക്കുന്നു. രാഷ്ട്ര നിർമ്മാണത്തിന് വഴിതെളിക്കാൻ ജീവിതം ഉഴിഞ്ഞുവച്ച വ്യക്തിത്വമായിരുന്നു അദ്ദേഹം. ഭാരതാംബയെ സേവിക്കാനായി സമർപ്പിക്കപ്പെട്ട അദ്ദേഹത്തിന്റെ ജീവിതം എല്ലാകാലത്തും പ്രേരണപകരും. പ്രധാനമന്ത്രി എക്സിൽ കുറിച്ചു.
ഇന്ന് പുലർച്ചെ സ്മൃതി കുടീരമായ സദൈവ് അടലിലെത്തി പ്രധാനമന്ത്രി പുഷ്പാർച്ചന നടത്തി. പ്രതിരോധ മന്ത്രി രാജ്നാഥ് സിംഗ്, ലോക്സഭ സ്പീക്കർ ഓം ബിർള, ബിജെപി അദ്ധ്യക്ഷൻ ജെ.പി നദ്ദ എന്നിവരും പ്രധാനമന്ത്രിയെ അനുഗമിച്ചു. രാഷ്ട്രപതിയും ഉപരാഷ്ട്രപതിയും സദൈവ് അടലിലെത്തി ആദരം അർപ്പിച്ചിരുന്നു.