അയൽവാസിയുടെ കാർ തീപിടിച്ച് കത്തി നശിച്ച സംഭവത്തിൽ പ്രതികരിച്ച് നടി കീർത്തി പാണ്ഡ്യൻ പങ്കുവച്ച കുറിപ്പ് സോഷ്യൽ മീഡിയയിൽ കോളിളക്കം സൃഷ്ടിച്ചിരിക്കുകയാണ്. തന്റെ അയൽവാസി ആറ് ആഴ്ച മുൻപ് വാങ്ങിയ കാറാണ് കത്തി നശിച്ചതെന്ന് പറഞ്ഞാണ് താരം കുറിപ്പ് പങ്കുവെച്ചിരിക്കുന്നത്. സമൂഹമാദ്ധ്യമമായ എക്സിലൂടെയാണ് കീർത്തി പോസ്റ്റ് പങ്കുവച്ചിരിക്കുന്നത്. ഒപ്പം കാറിന് തീ പിടിച്ചപ്പോൾ പകർത്തിയ വീഡിയോയും പങ്കുവച്ചു.
‘ഈ കത്തിനശിക്കുന്നത് എന്റെ അയൽവാസി ശരവണ കുമാറിന്റെ കാറാണ്. സംഭവം നടക്കുമ്പോൾ കൊച്ചുകുട്ടികളും മുതിർന്നവരും വീട്ടിൽ ഉണ്ടായിരുന്നു. ഇവരിൽ ആരെങ്കിലും കാറിന്റെ സമീപത്തുണ്ടായിരുന്നെങ്കിൽ? വളരെ വലിയൊരു അപകടമാണ് ഉണ്ടായിരിക്കുന്നതെന്നും താരം കുറിച്ചു. ഒപ്പം ശരവണ കുമാർ സോഷ്യൽ മീഡിയയിൽ പങ്കുവച്ച കുറിപ്പും താരം പങ്കുവച്ചു.
This is my neighbour @Saravanakumar15 car. He has little children and elders at home, What if they were around when this happened!?? This is so freaking dangerous. You need to be responsible in at least dealing with a disaster like this and responding!!! @rajeev_chaba… https://t.co/wfIeLBEJdL
— Keerthi Pandian (@iKeerthiPandian) December 25, 2023
ആറ് ആഴ്ച മുൻപ് 26.61 ലക്ഷം രൂപ മുടക്കി ഞാൻ വാങ്ങിച്ച mg zs ev കാർ തീപിടിച്ച് കത്തി നശിച്ചു. വീട്ടിലെ കാർപോർച്ചിൽ നിർത്തിയിട്ടിരുന്ന കാറിന് അപ്രതീക്ഷിതമായി തീപിടിക്കുകയായിരുന്നു. തുടർന്ന് എന്റെ അയൽവാസികളും വീട്ടുകാരും ചേർന്ന് പോലീസിനെയും ഫയർഫോഴ്സിനെയും വിവരമറിയിച്ചു. കൃത്യ സമയത്ത് രക്ഷാപ്രവർത്തനം നടത്തിയതിനാൽ വൻദുരന്തം ഒഴിവാകുകയായിരുന്നു. ഇക്കാര്യം ഞാൻ ഇക്കാര്യം എംജി കാർ കമ്പനിയെ അറിയിക്കുകയും ചെയ്തെന്നുമാണ് ശരവണ കുമാർ പങ്കുവെച്ച കുറിപ്പ്.
അപ്രതീക്ഷിതമായി വാഹനങ്ങൾ കത്തി നശിക്കുന്നത് സ്ഥിരം സംഭവങ്ങളായതോടെ നിരവധി പേരാണ് കാർത്തിയുടെ പോസ്റ്റിന് കമന്റുമായി എത്തിയിരിക്കുന്നത്.