അമീർഖാന്റെ മകൾ ഇറാ ഖാന്റെയും നുപൂർ ഷിഖാറിന്റെയും വിവാഹാഘോഷങ്ങൾക്ക് തുടക്കമായി. ജനുവരി 3 -ന് നടക്കുന്ന വിവാഹത്തിന് മുന്നോടിയായുള്ള ചടങ്ങുകൾക്കാണ് ഇന്നലെ രാത്രി ആരംഭം കുറിച്ചത്. ചടങ്ങുകളുടെ ചിത്രങ്ങൾ ഇറാ ഖാന്റെ സുഹൃത്തും നടിയുമായ മിഥിലാ പാൽക്കറാണ് സമൂഹമാദ്ധ്യമങ്ങളിൽ പങ്കുവച്ചത്.
മെറൂൺ സാരിയായിരുന്നു ഇറാ ഖാന്റെ വേഷം. കുർത്തയും പൈജാമയും തലപ്പാവും ആയിരുന്നു നൂപൂർ ധരിച്ചിരുന്നത്. ചിത്രങ്ങളിൽ മിഥിലയും അമീർഖാന്റെ മുൻ ഭാര്യ കിരൺ ദത്ത, മകൻ ആസാദ് റാവു ഖാൻ എന്നിവരും ഉണ്ട്. ഇന്നലെ നടന്ന ചടങ്ങിൽ അമീർഖാൻ ഇല്ലായിരുന്നെന്നാണ് സൂചന.
കഴിഞ്ഞ സെപ്റ്റംബറിലായിരുന്നു ഇറാഖാന്റെയും നൂപൂരിന്റെയും വിവാഹ നിശ്ചയം കഴിഞ്ഞത്. വിവാഹത്തെക്കുറിച്ച് അമീർഖാൻ മുമ്പ് വ്യക്തമാക്കിയിരുന്നു. ഏതൊരു പിതാവിനെയും പോലെ മകളുടെ വിവാഹം കാണാനുള്ള കാത്തിരിപ്പിലാണ് താനെന്ന് അടുത്തിടെ അമീർ പറഞ്ഞത്. അമൃത് രത്ന 2023 എന്ന പരിപാടിയ്ക്കിടെയായിരുന്നു മകളുടെ വിവാഹത്തെക്കുറിച്ച് താരം സംസാരിച്ചത്.
