ന്യൂഡല്ഹി: റിപ്പബ്ലിക് ദിനാഘോഷങ്ങള്ക്ക് മുന്നോടിയായി ഡല്ഹി കനത്ത സുരക്ഷയില്. 10,000 അര്ദ്ധ സൈനികരെ അധികമായി തലസ്ഥാനത്ത്
വിന്യസിപ്പിച്ചതായാണ് റിപ്പോര്ട്ടുകള്. പത്താന്കോട്ട് ഭീകരാക്രമണത്തിന്റെ പശ്ചാത്തലത്തിലാണ് നടപടി. ഭീകരരുടെ ലക്ഷ്യം രാജ്യത്തെ പ്രധാന
വിമാനത്താവളങ്ങളാണെന്ന് രഹസ്യാന്വേഷണ ഏജന്സികള് മുന്നറിയിപ്പ് നല്കിയിട്ടുണ്ട്. ഇതേതുടര്ന്ന് വിമാനത്താവളങ്ങള്ക്ക് അതീവ ജാഗ്രതാ നിര്ദ്ദേശമാണ്
നല്കിയിരിക്കുന്നത്.
ഡല്ഹിയിലെ സുരക്ഷാ നടപടികള് കേന്ദ്ര ആഭ്യന്തരമന്ത്രി രാജ്നാഥ് സിങ്, പ്രതിരോധമന്ത്രി മനോഹര് പരീക്കര്, ദേശീയ സുരക്ഷ ഉപദേഷ്ടാവ് അജിത്ത് ദോവല്
എന്നിവര് കഴിഞ്ഞ ദിവസം യോഗം ചേര്ന്ന് വിലയിരുത്തി. പത്താന്കോട്ട് വ്യോമസേനാ താവളത്തില് ഭീകരാക്രമണം ഉണ്ടായതോടെ രാജ്യത്തെ തന്ത്രപ്രധാന
മേഖലകളെല്ലാം നിരീക്ഷണത്തിലാണ്. ഇതിനിടെ, പാകിസ്ഥാനില് നിന്നും പഞ്ചാബ് അതിര്ത്തി വഴി 15 ഓളം ജെയ്ഷെ മുഹമ്മദ് ഭീകരര് ഇന്ത്യയിലേക്ക്
കടന്നിട്ടുള്ളതായി ഇന്റലിജന്സ് റിപ്പോര്ട്ട് ഉണ്ടായിരുന്നു.
