ഈ വാരത്തിൽ മകം, പൂരം, ഉത്രം, അത്തം, ചിത്തിര, ചോതി നക്ഷത്രക്കാർ അവരവരുടെ നക്ഷത്രം വരുന്ന ദിവസം വൃതം അനുഷ്ഠിക്കുന്നതും ക്ഷേത്രത്തിൽ പോയി തൊഴുതു യഥാവിധി വഴിപാടുകൾ നടത്തുന്നത് ഉചിതമായിരിക്കും.
വാര മാസ ഫലങ്ങൾ ഗണിക്കുന്നത് പൊതുവെ ഉള്ള ഗ്രഹസ്ഥിതി അടിസ്ഥാനപ്പെടുത്തിയാണ്. ഇവിടെ പറയുന്നത് ഒരു പൊതു സൂചന മാത്രമായിരിക്കും. അവരവരുടെ ജന്മ ഗ്രഹനില അനുസരിച്ചു യോഗങ്ങളും ദശാപഹാരവും ഒക്കെകൂടി പരിഗണിച്ചാൽ ഈ പൊതു ഫലത്തിന് ഏറ്റ കുറച്ചിലുകൾ ഉണ്ടാകും. എന്നിരുന്നാലും ഈ പറയുന്ന പൊതുഫലത്തെ സൂചനയായി കണ്ടു, ജാതക നിരൂപണം നടത്തി, ദശാനാഥനെ പ്രീതിപ്പെടുത്തുകയും ഗ്രഹദോഷങ്ങൾ പരിഹരിക്കുകയും ചെയ്താൽ നല്ല സമയത്തിന്റെ ഗുണഫലങ്ങൾ അനുഭവത്തിൽ വരുത്തുവാനും, മോശം സമയം തരണം ചെയ്യുവാനും പ്രയോജനപ്പെടും.
മേടം രാശി: (അശ്വതി, ഭരണി, കാർത്തിക ആദ്യ 1/4 ഭാഗം)
കുടുംബത്തിൽ അസ്വാരസ്യം രൂക്ഷമാകും. അതിനെ തുടർന്ന് ഒരുപക്ഷേ കുടുംബം വിട്ട് മാറി നിൽകേണ്ട അവസ്ഥ വരെ ഉണ്ടാവും. മാനസികമായും ശാരീരികമായും ബുദ്ധിമുട്ടുകൾ അനുഭവപ്പെടും. എന്നിരുന്നാലും വാരാന്ത്യം ജോലിയിൽ ഉയർച്ച ഉണ്ടാവും.
ഇടവം രാശി: (കാർത്തിക അവസാന 3/4 ഭാഗം, രോഹിണി, മകയിര്യം ആദ്യ 1/2 ഭാഗം)
ഉദര സംബന്ധമായ അസുഖ൦ ഉള്ളവർ വളരെ അധികം ജാഗ്രത പാലിക്കേണ്ട സമയം ആണ്. സാമ്പത്തിക കാര്യങ്ങളിൽ ഏറ്റക്കുറച്ചിലുകൾ അനുഭവപ്പെടും. ബന്ധുജനങ്ങളുമായി കലഹത്തിന് സാധ്യത ഉണ്ട്, ജാഗ്രത പുലർത്തുക. തൊഴിൽ അന്വേഷിക്കുന്നവർക്കു അർഹമായ തൊഴിൽ അവസരങ്ങൾ വന്നുചേരും.
മിഥുനം രാശി: (മകയിര്യം അവസാന 1/2 ഭാഗം, തിരുവാതിര, പുണർതം ആദ്യ 3/4 ഭാഗം)
എന്തുകാര്യങ്ങളിലും മനസോടെ ഇറങ്ങിപ്പുറപ്പെടുകയും അതിൽ വിജയിക്കുകയും ചെയ്യും. മറ്റുള്ളവരുടെ ആദരവും പ്രശംസയും പിടിച്ചുപറ്റാനുള്ള സന്ദർഭങ്ങൾ ജീവിതത്തിൽ ഉണ്ടാവും. കുടുംബത്തിലെ അസ്വാരസ്യങ്ങൾക്ക് ശാശ്വത പരിഹാരം കണ്ടെത്തും.
കർക്കിടകം രാശി: (പുണർതം അവസാന 1/4 ഭാഗം, പൂയം, ആയില്യം)
കുടുംബത്തിലെ വേണ്ടപ്പെട്ടവർക്ക് മരണ സമാനമായ അവസ്ഥകൾ ഉണ്ടാവും. സഹോദരങ്ങളിൽ നിന്നും സഹായ സഹകരണങ്ങൾ പ്രതീക്ഷിക്കാം. ആരോഗ്യവർദ്ധനവ്, ധനലാഭം എന്നിവ ഉണ്ടാവും. കൃഷി, പക്ഷി മൃഗാദികളുടെ ബിസിനസ്സ് നടത്തുന്നവർക്ക് ഗുണാനുഭവങ്ങൾ ഉണ്ടാവും.
ചിങ്ങം രാശി: (മകം, പൂരം, ഉത്രം ആദ്യ 1/4 ഭാഗം)
രോഗാദി ദുരിതങ്ങൾക്ക് ഹാനി അതായത് രോഗങ്ങൾ മാറും. നല്ല കാര്യങ്ങൾ ചെയ്യുവാനും നല്ലപേര് ഉണ്ടാവാനും ഭാഗ്യം കൂടെ നിൽക്കുന്ന സമയം ആണ്. ബിസിനസ്സ് ചെയ്യുന്നവർക്കും ജോലിയിൽ ഉയർച്ച പ്രതീക്ഷിക്കുവർക്കും അർഹമായ അംഗീകാരം കിട്ടും. സമ്മാനങ്ങളും ആടയാഭരണ വസ്തുക്കളുടെ വർദ്ധനവും ഉണ്ടാവും.
കന്നി രാശി: (ഉത്രം അവസാന 3/4 ഭാഗം, അത്തം, ചിത്തിര ആദ്യ 1/2 ഭാഗം)
സ്ത്രീകളെ കൊണ്ടുള്ള മാനഹാനിയും ധനനഷ്ടവും ഉണ്ടാകുന്ന സമയമായതിനാൽ സ്ത്രീ വിഷയങ്ങളിൽ ഇടപെടുമ്പോൾ വളരെ അധികം സൂക്ഷിക്കണം. രാഷ്ട്രീയത്തിൽ അപ്രതീഷിതമായ സ്ഥാനക്കയറ്റം ഉണ്ടാവും. സ്വത്തുവകകൾ കൈയിൽ വന്നുചേരുന്ന സമയം ആണ്.
തുലാം രാശി: (ചിത്തിര അവസാന 1/2 ഭാഗം, ചോതി, വിശാഖും ആദ്യ 3/4 ഭാഗം)
വളരെക്കാലമായി കാണാതിരുന്ന ബന്ധുജനങ്ങളെ കാണാനും അവരുമായി സമയം ചെലവഴിക്കാനും അവസരം ഉണ്ടാവും. ബിസിനസ്സിലും തൊഴിലിലും പുതിയ അവസരങ്ങൾ തേടി വരും. അപ്രതീക്ഷിതമായ സാമ്പത്തിക നേട്ടം , അലങ്കാര വസ്തുക്കളുടെ വർദ്ധനവ് എന്നിവ ഉണ്ടാവും.
വൃശ്ചികം രാശി: (വിശാഖം അവസാന 1/4 ഭാഗം, അനിഴം, തൃക്കേട്ട)
തൊഴിലിടങ്ങളിൽ ഉണ്ടായിരുന്ന അപ്രീതി മാറുകയും ജോലിയിൽ പ്രമോഷൻ ഉണ്ടാവാനും സാധ്യത ഉണ്ട്. സാമ്പത്തീകമായി ഉണ്ടായിരുന്ന പ്രശ്നങ്ങൾ മാറി പുതിയ വീട് വെയ്ക്കാനും അവസരം ഉണ്ടാകും. മനസ്സിൽ വിചാരിക്കുന്ന കാര്യങ്ങൾ നടക്കുവാനും സാധ്യത ഉള്ളതിനാൽ പോസിറ്റീവ് ആയി മാത്രം ചിന്തിക്കുക. കലാകാരമാർക്ക് കീർത്തി ഉണ്ടാവും.
ധനു രാശി: (മൂലം, പൂരാടം, ഉത്രാടം ആദ്യ 1/4 ഭാഗം)
വ്യവഹാര പരാജയം, ശത്രുക്കളെ കൊണ്ടുള്ള ഉപദ്രവം എന്നിവ കൂടും. ഭാര്യാഭർത്താക്കന്മാർ തമ്മിൽ അഭിപ്രായ വ്യത്യാസം രൂക്ഷമാകുകയും കോടതി വരെ എത്താനും സാധ്യത ഉണ്ട്. അന്യ ജനങ്ങളെ സഹായിക്കുകയും പിന്നീട് അത് പേരുദോഷത്തിനും ഇടയാക്കും. എന്നിരുന്നാലും വാരാന്ത്യം തൊഴിൽ ലാഭം, ശരീര സുഖം, ഭക്ഷണ സുഖം എന്നിവ ഉണ്ടാവും.
മകരം രാശി: (ഉത്രാടം അവസാന 3/4 ഭാഗം, തിരുവോണം, അവിട്ടം ആദ്യ 1/2 ഭാഗം)
ശരീര സുഖം കുറയുകയും ആശുപത്രി വാസത്തിനും സാധ്യത ഉണ്ട്. ഉദര സംബന്ധമായും ആമാശയ സംബന്ധമായും രോഗങ്ങൾ ഉള്ളവർ വളരെ അധികം സൂക്ഷിക്കേണ്ട സമയം ആണ് . ഭക്ഷണ കാര്യങ്ങളിൽ മിതത്വം പാലിക്കുക. കട ബാധ്യതകൾ കൂടുകയും വീട് സ്ഥാവര ജംഗമ വസ്തുക്കൾ ജപ്തി ഭീഷണി നേരിടുകയും ചെയ്യും.
കുംഭം രാശി: (അവിട്ടം അവസാന 1/2 ഭാഗം, ചതയം, പൂരൂരുട്ടാതി ആദ്യ 3/4 ഭാഗം)
ഈ വാരം ഗുണദോഷ സമ്മിശ്രമായിരിക്കും. കുടുംബത്തിൽ മംഗളകരമായ കാര്യങ്ങൾ നടക്കുകയും അതിൽ പങ്കെടുക്കുവാനും അവസരം വന്നുചേരും. ജോലിയിൽ ഉയർന്ന പദവിയിൽ ഇരിക്കുവാനുള്ള അവസ്ഥ ഉണ്ടാകുകയും മറ്റുള്ളവരുടെ ആദരവ് ഉണ്ടാകുകയും ചെയ്യും. ആരോഗ്യകാര്യങ്ങളിലും സാമ്പത്തിക കാര്യങ്ങളിലും ജാഗ്രത പാലിക്കുക.
മീനം രാശി: (പൂരൂരുട്ടാതി അവസാന 1/4 ഭാഗം, ഉതൃട്ടാതി, രേവതി)
തൊഴിൽ ലാഭം, കീർത്തി, സാമ്പത്തിക ഉന്നതി എന്നിവ പ്രതീക്ഷിക്കാം. അപ്രതീക്ഷിതമായി ബന്ധു ജനങ്ങളിൽ നിന്നും ഗുണാനുഭവങ്ങൾ ഉണ്ടാവും. രോഗങ്ങളിൽ നിന്നും മുക്തി, ശതുക്കളുടെ മേൽ വിജയം എന്നിവ ഉണ്ടാവും. മാനസികമായും ശാരീകമായും വളരെ അധികം സന്തോഷം ഉണ്ടാവുന്ന അവസരങ്ങൾ വന്നുചേരും.
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Weekly Prediction by Jayarani E.V
