അയോദ്ധ്യ വീഥിയിൽ പ്രധാനമന്ത്രിയുടെ റോഡ് ഷോ; പ്രധാന സേവകനെ വരവേൽക്കാൻ തടിച്ചുകൂടി ജനങ്ങൾ

ലക്നൗ: അയോദ്ധ്യ വീഥിയിലൂടെ പ്രധാനമന്ത്രി നരേന്ദ്രമോദിയുടെ റോഡ് ഷോ നടന്നു. പ്രധാനമന്ത്രിയെ കാണാനും അഭിവാദ്യം ചെയ്യാനും നിരവധി പേരാണ് റോഡിന്റെ ഇരു ഭാ​ഗത്തും തടിച്ചുകൂടിയത്. അയോദ്ധ്യയിലെത്തിയ പ്രധാനമന്ത്രിയെ ഉത്തർപ്രദേശ് മുഖ്യമന്ത്രി യോഗി ആദിത്യനാഥും ഗവർണർ ആനന്ദിബെൻ പട്ടേലും ചേർന്നാണ് സ്വീകരിച്ചത്. 15 കിലോമീറ്ററാണ് റോഡ് ഷോ നടന്നത്.

പ്രധാനമന്ത്രിക്ക് ഊഷ്മള സ്വീകരണമാണ് അയോദ്ധ്യ നൽകിയിരിക്കുന്നത്. പ്രധാന സേവകന്റെ അയോദ്ധ്യാ സന്ദർശനത്തിന്റെ ഭാ​ഗമായി നിരവധി സാംസ്കാരിക പരിപാടികളാണ് അയോദ്ധ്യ വീഥിയിൽ ഒരുക്കിയിരിക്കുന്നത്. ജനുവരി 22-ന് നടക്കുന്ന രാമക്ഷേത്രത്തിന്റെ പ്രതിഷ്ഠയ്‌ക്ക് മുന്നോടിയായുള്ള ഒരു സുപ്രധാന നിമിഷമായാണ് പ്രധാനമന്ത്രിയുടെ അയോദ്ധ്യ സന്ദർശനത്തെ നോക്കികാണുന്നത്.

#WATCH | People shower flower petals on Prime Minister Narendra Modi as he holds a roadshow in Ayodhya, Uttar Pradesh

PM Modi will inaugurate the Maharishi Valmiki International Airport Ayodhya Dham, redeveloped Ayodhya Dham Railway Station, and flag off new Amrit Bharat… pic.twitter.com/b53mxsHFml

— ANI (@ANI) December 30, 2023

നഗരവീഥിയാകെ പൂക്കൾ കൊണ്ട് അലങ്കരിച്ചിരിക്കുകയാണ്. എയർപോർട്ട് മുതൽ റെയിൽവേ സ്‌റ്റേഷൻ വരെയുള്ള പാതയിൽ 1400 കലാകാരന്മാരുടെ വിവിധ പരിപാടികളും അരങ്ങേറുന്നുണ്ട്. 40 വേദികളാണ് ഇതിനായി ഒരുക്കിയിരിക്കുന്നത്. ഉദ്ഘാടന സദസുകളെ അലങ്കരിക്കുന്നതിനായി 100 ഓളം കലാകാരന്മാർ വിവിധ പരിപാടികൾ അവതരിപ്പിക്കും.

അയോദ്ധ്യയിലെ വാൽമീകി അന്താരാഷ്‌ട്ര വിമാനത്താവളം, അയോദ്ധ്യ റെയിൽവേ സ്റ്റേഷൻ, ആറ് വന്ദേഭാരത്, രണ്ട് അമൃത് ഭാരത് ട്രെയിനുകൾ എന്നിവ പ്രധാനമന്ത്രി ഇന്ന് ഉദ്ഘാടനം ചെയ്യും. 15,700 കോടി രൂപയുടെ വിവിധ വികസന പദ്ധതികളുടെ തറക്കല്ലിടലും അദ്ദേഹം നിർവഹിക്കും.