സലിം കുമാർ എന്ന പേരിലേക്ക് എത്തിച്ചേർന്ന വഴി പറയുന്ന താരത്തിന്റെ വീഡിയോ സമൂഹ മാദ്ധ്യമങ്ങളിൽ വൈറലാകുന്നു. ഒരു ചാനലിന് നൽകിയ അഭിമുഖത്തിലാണ് രസകരമായ കഥ പങ്കുവെച്ചത്. ഈ പേരുള്ളതു കൊണ്ട് അഞ്ചാം ക്ലാസ് വരെ താൻ മുസ്ലീം ആയാണ് അറിയപ്പെട്ടതെന്ന് താരം പറയുന്നുണ്ട്.
സലിം കുമാറിന്റെ വാക്കുകൾ ഇങ്ങനെ
സലിമിനൊപ്പം കുമാർ വന്നതിന് പിന്നിൽ ഒരുകഥയുണ്ട്. സലിം എന്ന പേരും കൊണ്ട് ചിറ്റാറ്റുപുഴ എൽപിഎസിൽ അഞ്ചാം ക്ലാസിൽ ചേർക്കാൻ ചെന്നു. സലിം എന്ന പേര് കേട്ടപ്പോൾ ഇത് മുസ്ലീം കുട്ടിയുടെ പേര് ആണെന്ന് സ്കൂളിൽ നിന്നും അച്ഛനോട് പറഞ്ഞു. അച്ഛന് അന്ന് ഇതേ കുറിച്ച് ധാരണ ഉണ്ടായിരുന്നില്ല. അങ്ങനെ അദ്ധ്യാപകർ പേരിനൊപ്പം കുമാർ എന്ന് കൂടി ചേർത്താൽ മതിയെന്ന് പറഞ്ഞു. അങ്ങനെ സലീമിനൊപ്പം കുമാർ കൂടി ചേർത്ത് എന്നെ ഹിന്ദുവാക്കി. അഞ്ചാം ക്ലാസ് വരെ ഞാൻ മുസ്ലീമായിരുന്നു. അഞ്ചാം ക്ലാസിന് ശേഷം ഞാൻ വിശാല ഹിന്ദുവായി സലിം കുമാർ പറയുന്നു.
സഹോദരൻ അയ്യപ്പന് തന്റെ ജീവിതവുമായി ബന്ധമുണ്ട്. അന്നത്തെ കാലത്ത് ചെറുപ്പക്കാർ സഹോദരൻ അയ്യപ്പന്റെ പ്രവർത്തനങ്ങളിൽ ആകൃഷ്ടരായി. ജാതി തിരിച്ചറിയാത്ത പേരുകൾ സ്വന്തം മക്കൾക്ക് ഇടാൻ തുടങ്ങി. ഉദ്ദാഹരണത്തിന് എന്റെ പേര് സലീം. അതുപോലെ ജലീൽ, ജമാൽ, നൗഷാദ് എന്നീ പേരുകളൊക്കെ ഈഴവരായിട്ടുള്ള ഹിന്ദു കുട്ടികൾക്ക് ഇടാൻ തുടങ്ങി. അങ്ങനെയാണ് എനിക്ക് സലിം എന്ന പേര് ഇടുന്നത് താരം അഭിമുഖത്തിൽ വ്യക്തമാക്കി.
