മുംബൈ: പുതുവത്സരാഘോഷങ്ങൾക്കായി എത്തിച്ച മയക്കുമരുന്ന് പിടിച്ചെടുത്ത് മുംബൈ ആന്റി നാർക്കോട്ടിക്സ് സെൽ. മാഹിം എന്ന സ്ഥലത്ത് നിന്നുമാണ് ഏകദേശം 50 ലക്ഷത്തോളം രൂപ വില വരുന്ന 250 ഗ്രാം മെഫെഡ്രോൺ എന്ന മയക്കുമരുന്ന് പിടികൂടിയത്. രഹസ്യ വിവരത്തെ തുടർന്ന് പട്രോളിങ്ങ് നടത്തിയ പോലീസ് സംഘമാണ് മയക്കുമരുന്നാണ് പിടികൂടിയത്. സംഭവവുമായി ബന്ധപ്പെട്ട് നലസോപാര സ്വദേശി ബെനഡിക് ഫ്രാൻസിസ് ഗോഡ്ഗിഫ്റ്റ് സിപ്രിയൻ എന്ന ഡിങ്കു(37)വിനെ പോലീസ് അറസ്റ്റ് ചെയ്തു.
മാഹിം പരിസരത്ത് സംശയാസ്പദമായ സാഹചര്യത്തിൽ കണ്ട ഡിങ്കുവിനെ പേലീസ് ചോദ്യം ചെയ്യുകയായിരുന്നു. തുടർന്ന് നടത്തിയ പരിശോധനയിലാണ് പ്ലാസ്റ്റിക് കവറിൽ പൊതിഞ്ഞ നിലയിലുള്ള മയക്കുമരുന്ന് കണ്ടെത്തിയത്. ഇയാളെ കസ്റ്റഡിയിലെടുത്തു. എൻഡിപിഎസ് ആക്റ്റ് പ്രകാരം പോലീസ് കേസെടുത്ത് അറസ്റ്റ് രേഖപ്പെടുത്തിയിട്ടുണ്ട്.
