എറണാകുളം: വയോധികയുടെ വീട്ടിലേക്കുള്ള വഴി അടച്ച് കെട്ടി അയൽവാസിയുടെ ക്രൂരത. പിറവം ഇലഞ്ഞി സ്വദേശി മറിയക്കുട്ടിയുടെ വീട്ടിലേക്കുള്ള വഴിയാണ് മുള്ളുവേലിയിട്ട് അടച്ചത്. വീടിന് മുന്നിലൂടെയുള്ള റബ്ബർ തോട്ടത്തിന് മുള്ളുവേലി സ്ഥാപിച്ചതോടെയാണ് 76-കാരിയായ വയോധിക പ്രതിസന്ധിയിലായിരിക്കുന്നത്.
കടവന്ത്ര സ്വദേശിയായ ഉടമ അരുൺ എബ്രഹാം ആണ് തോട്ടത്തിന് വേലി സ്ഥാപിച്ചത്. കോടതിയിൽ നിന്ന് അനുകൂല വിധി ഉണ്ടെന്ന് കാട്ടിയായിരുന്നു ക്രൂരത. അടുത്തിടെയാണ് എറണാകുളം സ്വദേശിയായ അരുൺ ഇവിടെ 60 സെന്റ് സ്ഥലം വാങ്ങുന്നത്.
വീടിന് മുന്നിലൂടെ മുള്ളുവേലി കെട്ടി വഴി അടച്ചതോടെ ബുദ്ധിമുട്ടിലായിരിക്കുകയാണ് വയോധികയും കുടുംബവും. കഴിഞ്ഞ 60 വർഷക്കാലമായി വിധവയായ ഇവർ ഈ വീട്ടിലാണ് താമസം.