ആലപ്പുഴ: സമൂഹമാദ്ധ്യമങ്ങളിൽ വൈറലായി സഞ്ജു സാംസണിന്റെ പടുകൂറ്റൻ സിക്‌സർ വീഡിയോ. രഞ്ജി ട്രോഫി ടൂർണമെന്റിന് മുന്നോടിയായുള്ള പരിശീലനത്തിനിടെയാണ് താരം പടുകൂറ്റൻ സിക്‌സർ പായിച്ചത്. ഐപിഎല്ലിൽ സഞ്ജു നയിക്കുന്ന രാജസ്ഥാൻ റോയൽസ് സമൂഹമാദ്ധ്യമത്തിൽ പങ്കുവച്ച ഈ വീഡിയോയാണ് ഇപ്പോൾ ആരാധകർ ഏറ്റെടുത്തിരിക്കുന്നത്. രഞ്ജി ട്രോഫിയിൽ സഞ്ജുവാണ് കേരളത്തെ നയിക്കുന്നത്. ജനുവരി അഞ്ചിന് നടക്കുന്ന ആദ്യ മത്സരത്തിൽ ഉത്തർപ്രദേശാണ് കേരളത്തിന്റെ എതിരാളികൾ.
ആലപ്പുഴ എസ്ഡി കോളേജ് ഗ്രൗണ്ടിലാണ് സഞ്ജു ബാറ്റിംഗ് പരിശീലനത്തിനിറങ്ങിയത്. പരിശീലനത്തിനിടെ സഞ്ജു ആഞ്ഞടിച്ച സിക്സ് അടുത്തുള്ള കെട്ടിടത്തിന്റെ മേൽക്കൂരയിൽ വലിയ ശബ്ദത്തോടെ പതിക്കുന്നതാണ് വീഡിയോയിൽ. വീഡിയോയ്‌ക്ക് താഴെ സഞ്ജുവിനെ പ്രശംസിച്ച് നിരവധി കമന്റുകളാണുള്ളത്.
wait for it 😂💥 pic.twitter.com/zhkM0sNDFx
— Rajasthan Royals (@rajasthanroyals) January 1, 2024
“>
സഞ്ജു നയിക്കുന്ന രഞ്ജി ടീമിന്റെ വൈസ് ക്യാപ്റ്റൻ യുവതാരം രോഹൻ കുന്നുമ്മലാണ്. എം വെങ്കട് രമണയാണ് ടീമിന്റെ മുഖ്യപരിശീലകൻ. രണ്ടാം മത്സരത്തിൽ കേരളം അസമിനെ നേരിടും.
