മോഹൻലാലും നടൻ സിദ്ദിഖും തമ്മിലുള്ള സൗഹൃദത്തെക്കുറിച്ച് അറിയാൻ സിനിമാ ആരാധകർക്ക് വളരെ ആഗ്രഹമാണ്. ഇരുവരുടെയും അവസാനമായി തീയേറ്ററിലെത്തിയ ചിത്രം നേര് ആയിരുന്നു. ചിത്രത്തിലെ അഭിനയത്തിന് മോഹൻലാലിനെയും സിദ്ദിഖിനെയും പ്രേക്ഷകർ വാനോളം പുകഴ്ത്തുന്നുമുണ്ട്. ചിത്രത്തിലെ ലൊക്കേഷനില് നിന്നുള്ള ഒരു ചിത്രം സിദ്ദിഖ് കഴിഞ്ഞ ദിവസം ഫേസ്ബുക്കില് പങ്കുവച്ചിരുന്നു. അതിനെക്കുറിച്ച് സിദ്ദിഖ് പറഞ്ഞ വാക്കുകളാണ് സമൂഹമാദ്ധ്യമങ്ങളിൽ ഇപ്പോൾ വൈറലാകുന്നത്.
‘രാവണ പ്രഭു മുതൽ തുടങ്ങിയതല്ലേ… മോഹൻലാലുമായിട്ടുള്ള അഭിനയം. അതിനു മുൻപും ഒന്നിച്ച് അഭിനയിച്ചിട്ടുണ്ടെങ്കിലും രാവണപ്രഭു മുതലുള്ള കെമിസ്ട്രിയാണ് പ്രേക്ഷകർ സ്വീകരിച്ച് തുടങ്ങിയത്. ഓപ്പോസിറ്റായിട്ട് ആണെങ്കിലും അടുത്ത സൗഹൃദമായിട്ടാണെങ്കിലും സിനിമയിൽ ഒന്നിച്ച് കണ്ടാൽ പ്രേക്ഷകർക്ക് വല്ലാത്തൊരു ഇഷ്ടമാണ്.
റിയൽ ലൈഫിൽ ഞങ്ങൾ അടുത്ത സുഹൃത്തുക്കളാണ് മോതിരം വരെ ഊരി തരുന്ന ആളാണ്. നിങ്ങളൊക്കെ അത് കണ്ടിരിക്കുമല്ലോ…. അതൊക്കെ ഒരു പ്രത്യേക സന്തോഷമാണ്. പുതുവർഷത്തിൽ ലാൽ എനിക്ക് അയച്ചു തന്ന ചിത്രമാണ് സമൂഹമാദ്ധ്യമത്തിൽ പങ്കുവച്ചിരിക്കുന്നത്. അത്, ഞങ്ങൾ വെറുതേ സംസാരിക്കുന്നതാണ്.’- സിദ്ദിഖ് പറഞ്ഞു.