കേപ്ടൗൺ: രണ്ടാം ടെസ്റ്റ് മത്സരത്തിലെ ആദ്യ ഇന്നിംഗ്സിൽ ദക്ഷിണാഫ്രിക്കയെ 55 റൺസിന് പുറത്താക്കി ഇന്ത്യൻ ബോളർമാർ. 23.2 ഓവറിൽ ഇന്ത്യക്ക് മുന്നിൽ ദക്ഷിണാഫ്രിക്കൻ ബാറ്റിംഗ് നിര അടിയറവ് പറയുകയായിരുന്നു. ആറ് വിക്കറ്റെടുത്ത മുഹമ്മദ് സിറാജാണ് പ്രോട്ടീസിനെ തകർത്തത്. ജസ്പ്രീത് ബുമ്രയും കന്നി മത്സരത്ത്ിനിറങ്ങിയ മുകേഷ് കുമാറും രണ്ട് വിക്കറ്റുകൾ വീതം വീഴ്ത്തി.
എന്നാൽ മത്സരത്തിനിടയിലെ വിരാട് കോലിയുടെ അനുകരണമാണ് ഇപ്പോൾ സമൂഹമാദ്ധ്യമങ്ങളിൽ വൈറലായിരിക്കുന്നത്. പ്രോട്ടീസ് നിരയ്ക്ക് ആറാം വിക്കറ്റ് നഷ്ടമായപ്പോൾ സ്റ്റേഡിയത്തിൽ ഭഗവാൻ ശ്രീരാമനെ സ്തുതിച്ചു കൊണ്ടുള്ള ‘റാം സിയ റാം ഗാനം’മുഴങ്ങി കേട്ടു. ഇത് ആസ്വദിച്ച കോലി വില്ല് കുലയ്ക്കുന്ന ശ്രീരാമനെ അനുകരിക്കുകയായിരുന്നു. ഈ രംഗമാണിപ്പോൾ സമൂഹമാദ്ധ്യമങ്ങളിൽ വൈറലായിരിക്കുന്നത്.
ഇന്ത്യയ്ക്കെതിരെ ടെസ്റ്റ് ക്രിക്കറ്റിൽ ഒരു ടീം നേടുന്ന ഏറ്റവും ചെറിയ സ്കോറാണിത്. ഇതാദ്യമായാണ് 1932-ന് ശേഷം ദക്ഷിണാഫ്രിക്ക ഇത്രയും ചെറിയ സ്കോറിന് പുറത്താകുന്നത്.