മുംബൈ: നവി മുംബൈയിലെ കെമിക്കൽ ഫാക്ടറിയിൽ വൻ തീപിടിത്തം. പാവനെ മഹാരാഷ്‌ട്ര ഇൻഡസ്ട്രിയൽ ഡവലപ്‌മെന്റ് കോർപ്പറേഷന്റ കീഴിൽ പ്രവർത്തിക്കുന്ന കെമിക്കൽ ഫാക്ടറിയിൽ വ്യാഴാഴ്ച രാവിലെയാണ് തീപിടിത്തമുണ്ടായത് . തീയണക്കാനുള്ള ശ്രമങ്ങൾ തുടരുകയാണ്. കനത്ത കറുത്ത പുകകൊണ്ട് പ്രദേശം മൂടിയിരിക്കുകയാണ്.
ആളപായമോ പരിക്കോ റിപ്പോർട്ട് ചെയ്തിട്ടില്ല.
രാസവസ്തുക്കൾ പൊട്ടിത്തെറിച്ചാണ് തീ പടർന്നതെന്നാണ് പ്രാഥമിക നിഗമനം
രാവിലെ ഏഴരയോടെയാണ് തീ ശ്രദ്ധയിൽപെട്ടതെന്ന് ദൃക്സാക്ഷികൾ പറഞ്ഞു. തീ ആളിപ്പടർന്നയുടൻ തൊഴിലാളികൾ കമ്പനിയിൽ നിന്ന് ഇറങ്ങിയോടിയതായും ദൃക്സാക്ഷികൾ വ്യക്തമാക്കി.
#WATCH | Mumbai: A massive fire broke out in a chemical factory in Navi Mumbai. Fire tenders reached the spot. pic.twitter.com/bQKcs7mQpA
— ANI (@ANI) January 4, 2024
തീപിടിത്തത്തിന്റെ യഥാർത്ഥ കാരണം വ്യക്തമല്ല. ഏതാനും ദിവസം മുമ്പ് തലോജയിലെ ഒരു കെമിക്കൽ കമ്പനിയിലും സമാനമായ രീതിയിൽ തീപടർന്നിരുന്നു.
