തൊട്ടതെല്ലാം വിവാദമാക്കുന്ന വ്യക്തിയായി ദക്ഷിണേന്ത്യൻ സിനിമയിൽ അറിയപ്പെടുന്ന നടിയാണ് വനിത വിജയകുമാർ. മൂന്ന് തവണ വിവാഹിതയായ വനിത ഈ ബന്ധങ്ങളെല്ലാം ഉപേക്ഷിച്ചു. ഇതിനിടെ സ്വന്തം വീട്ടുകാരുമായും പ്രശ്നത്തിലായി. നടൻ വിജയകുമാറിന്റെയും അന്തരിച്ച നടി മഞ്ജുള വിജയ കുമാറിന്റെയും മകളാണ് വനിത
അമ്മയുമടെ മരണവുമായി ബന്ധപ്പെട്ട് വനിത നടത്തിയ പരാമർശമാണ് വീണ്ടും ചർച്ചയായത്. അമ്മ മരിച്ച വിവരം അറിഞ്ഞപ്പോൾ താൻ നന്നായി ഒരുങ്ങിയാണ് മൃതദേഹം കാണാൻ പോയതെന്ന് വനിത പറയുന്നു.
ലിപ്സ്റ്റിക് കാണുമ്പോൾ എനിക്ക് ആദ്യം ഓർമ വരിക മമ്മിയെയാണ്. ലിപ്സ്റ്റിക് ഇടാൻ എന്നെ ഏറ്റവും കൂടുതൽ നിർബന്ധിക്കുന്നത് മമ്മിയാണ്. എപ്പോൾ മമ്മി വന്നാലും ചുവപ്പ് ലിപ്സ്റ്റിക് ഇട്ടിട്ടുണ്ടാവും. ഞാൻ ലിപ്സ്റ്റിക് ഇട്ടില്ലെങ്കിൽ വഴക്ക് പറയും. പിങ്ക് നിറമുള്ള ഒരു ബ്രൈറ്റ് കുർത്തി ധരിച്ച് പിങ്ക് ലിപ്സ്റ്റിക്കും ഇട്ടാണ് ഞാൻ പോയത്. ആളുകൾ എന്തുവിചാരിച്ചാലും കുഴപ്പമില്ലെന്ന് എന്നു തീരുമാനിച്ചു. മമ്മി എന്നെ അങ്ങനെ കാണാനാണ് ഇഷ്ടപ്പെട്ടത് – വനിത പറയുന്നു.
എന്നാൽ വനിത തങ്ങൾക്ക് ആരുമല്ലെന്നും മകളെന്ന നിലയിലുള്ള ബന്ധം ഉപേക്ഷിച്ചെന്നും തുറന്നടിച്ച് കൊണ്ട് വിജയകുമാറും മഞ്ജുള ദേവിയും മുമ്പൊരിക്കൽ ഒരു പത്ര സമ്മേളനവും നടത്തിയിരുന്നു.
