റാഞ്ചി: ആർക്ക സ്‌പോർട്‌സ് മാനേജ്‌മെന്റിലെ രണ്ട് ഉദ്യോഗസ്ഥർക്കെതിരെ കേസ് ഫയൽ ചെയ്ത് എം.എസ് ധോണി. 2017-ൽ ക്രിക്കറ്റ് അക്കാദമി കരാർ ലംഘിച്ചതുമായി ബന്ധപ്പെട്ടാണ് ഉദ്യോഗസ്ഥർക്കെതിരെ ധോണി കേസ് നൽകിയിരിക്കുന്നത്. ആർക്ക സ്‌പോർട്‌സ് മാനേജ്‌മെന്റിലെ ഉദ്യോഗസ്ഥരായ മിഹിർ ദിവാക്കർ, സൗമ്യ വിശ്വാസ് എന്നിവർക്കെതിരെയാണ് കരാർ ലംഘനത്തിൽ ധോണി കേസ് ഫയൽ ചെയ്തത്. 15 കോടി രൂപയാണ് ഇവർ കരാർ ലംഘിച്ച് തട്ടിയെടുത്തത്.
2017-ൽ ആഗോളതലത്തിൽ ക്രിക്കറ്റ് അക്കാദമി നടത്തുന്നതിനായി മിഹിർ ദിവാക്കറും സൗമ്യ വിശ്വാസും ധോണിയുമായി കരാറിൽ ഒപ്പുവച്ചിരുന്നു. എന്നാൽ കരാർ പ്രകാരമുള്ള പണം പങ്കിടാതെ ഇവർ തട്ടിപ്പുനടത്തിയെന്നാണ് പരാതി. ഇതിനെതിരെ റിമൈൻഡറുകളും നോട്ടീസുകളും ധോണി 2021 മുതൽ അയച്ചെങ്കിലും അയച്ചെങ്കിലും ഫലമുണ്ടാകാത്തതിനെ തുടർന്നാണ് ഉദ്യോഗസ്ഥർക്കെതിരെ കേസ് ഫയൽ ചെയ്യാൻ ധോണിയെ പ്രേരിപ്പിച്ചതെന്ന് വിധി അസോസിയേറ്റ് പ്രതിനിധി ദയാനന്ദ് സിംഗ് അറിയിച്ചു.
