മുംബൈ: ടി20 ക്രിക്കറ്റിൽ 3000 റൺസ് തികയ്ക്കുന്ന നാലാമത്തെ ഇന്ത്യൻ താരമെന്ന നേട്ടം സ്വന്തമാക്കി വനിതാ താരം സ്മൃതി മന്ദാന.ഓസ്ട്രേലിയക്കെതിരായ ഒന്നാം ടി20 മത്സരത്തിലെ അർദ്ധ സെഞ്ച്വറി പ്രകടനമാണ് താരത്തെ ഈ നേട്ടത്തിലെത്താൻ സഹായിച്ചത്. 52 പന്തിൽ നിന്ന് ഒരു സിക്സും ഏഴ് ബൗണ്ടറിയുമടക്കം 54 റൺസാണ് സമൃതി നേടിയത്.
ടി20യിൽ 3000 റൺസ് തികയ്ക്കുന്ന നാലാമത്തെ ഇന്ത്യൻ താരമാണ് സ്മൃതി മന്ദാന. രോഹിത് ശർമ്മ, വിരാട് കോലി, ഹർമൻപ്രീത് കൗർ എന്നിവരാണ് മുമ്പ് ഈ നേട്ടം സ്വന്തമാക്കിയത്. വനിതാ താരങ്ങളിൽ 3000 റൺസ് പട്ടികയിൽ ഇടം നേടുന്ന ആറാമത്തെ താരവും മന്ദാനയാണ്. സുസി ബേറ്റ്സ്, മെഗ് ലാനിംഗ്, സ്റ്റെഫാനി ടെയ്ലർ, ഹർമൻപ്രീത്, സോഫി ഡിവൈൻ എന്നിവരാണ് പട്ടികയിലുൾപ്പെട്ട മറ്റുതാരങ്ങൾ. 2461 പന്തുകളിലാണ് മന്ദാന 3000 ടി20 റൺസ് സ്വന്തമാക്കിയത്. ഏറ്റവും വേഗത്തിൽ ഈ നേട്ടത്തിലെത്തിച്ചേർന്ന വനിതാ താരം കൂടിയാണ് സ്മൃതി.
