കടുത്ത മൂടൽ മഞ്ഞിൽ വലയുന്ന ഉത്തർപ്രദേശിൽ നിന്ന് ഒരു നടുക്കുന്ന അപകടത്തിന്റെ വാർത്തയാണ് പുറത്തുവരുന്നത്. റോഡ് മുറിച്ചുകടക്കുന്നതിനിടെ യുവാവിന്റെ ശരീരത്തിലൂടെ ട്രക്ക് പാഞ്ഞു കയറി. ട്രക്ക് പെട്രോൾ പമ്പിൽ നിന്ന് പുറത്തുവരുന്നതിനിടെയാണ് അപകടം. ഉന്നാവോ പ്രദേശത്ത് നടന്ന അപകടത്തിന്റെ ദൃശ്യങ്ങളാണ് പുറത്തുവന്നത്.
ഷമീം ഖാൻ എന്ന യുവാവാണ് മരിച്ചത്. സോഹ്റാമു പോലീസ് സ്റ്റേഷന് സമീപമായിരുന്നു അപകടം. രാവിലെയുള്ള കനത്ത മൂടൽ മഞ്ഞ് കാരണം കാഴ്ച വ്യക്തമാകുന്നില്ലായിരുന്നു. രണ്ടുപേർ റോഡ് മുറിച്ചു കടക്കുന്നതിനിടെ ഇതിലൊരാൾ പെട്ടെന്ന് റോഡിലേക്ക് ഇറങ്ങിയപ്പോൾ വളവ് തിരി‍ഞ്ഞുവന്ന ട്രക്ക് യുവാവിനെ ഇടിച്ചുവീഴ്‌ത്തി ശരീരത്തിലൂടെ കയറുകയായിരുന്നു. ഷമീമിനെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിന്റെ വീഡിയോ ദൃശ്യങ്ങൾ വ്യാപകമായി പ്രചരിക്കുകയാണ്.
उन्नाव : युवक को ट्रक ने रौंदा
सड़क क्रॉस करते समय हुआ हादसा
घटना का सीसीटीवी हुआ वायरलसोहरामऊ क्षेत्र के आशा खेड़ा पेट्रोल पंप की घटना@unnaopolice @Uppolice @dgpup pic.twitter.com/L8brYDg10b
— Bittu Pandit Reporter (@BittuPa76040164) January 7, 2024
“>
