ഇടുക്കി: മൂന്നാറിൽ വീണ്ടും പടയപ്പ ഇറങ്ങി കൃഷികൾ നശിപ്പിച്ചു. കന്നിമല എസ്റ്റേറ്റിൽ ലോവർ ഡിവിഷനിലാണ് പടയപ്പ എത്തിയത്. അർദ്ധരാത്രി ജനവാസ മേഖലയിൽ എത്തിയ പടയപ്പ കൃഷികൾ നശിപ്പിച്ചതായി നാട്ടുകാർ പറഞ്ഞു.
ഇന്നലെ രാവിലെ മുതൽ കന്നിമലയിലെ എസ്റ്റേറ്റിൽ പടയപ്പ തമ്പടിച്ചിരുന്നു. നായ്ക്കളുടെ കുര കേട്ട് പ്രദേശവാസികൾ പുറത്തിറങ്ങി നോക്കിയപ്പോഴാണ് പടയപ്പയെ കണ്ടത്. തുടർന്ന് പടക്കം പൊട്ടിച്ചും തീപന്തം കാണിച്ചും ആനയെ ജനവാസ മേഖലയിൽ നിന്നും തുരത്തി. വനംവകുപ്പ് ഉദ്യോഗസ്ഥരെ വിവരം അറിയിച്ചെങ്കിലും ഇവർ സ്ഥലത്തെത്തിയില്ലെന്നും നാട്ടുകാർ പറഞ്ഞു. പടയപ്പ വീണ്ടും ജനവാസ മേഖലയിലെത്തി നാശനഷ്ടങ്ങൾ ഉണ്ടാക്കാതിരിക്കാനുള്ള മുന്നൊരുക്കങ്ങൾ ആരംഭിച്ചതായി വനംവകുപ്പ് അറിയിച്ചു.