മലയാള സിനിമാ മേഖലയിലെ മികച്ച സംവിധായകരിൽ ഒരാളായ നേമം പുഷ്പരാജ് വീണ്ടും സംവിധാന രംഗത്തേക്ക് എത്തുന്നു. യുവതാരം ധ്രുവൻ, ഗൗതം കൃഷ്ണ, സ്വാസിക എന്നിവർ പ്രധാന കഥാപാത്രങ്ങളായി എത്തുന്ന ചിത്രം രണ്ടാം യാമം എന്ന ചിത്രമാണ്
അദ്ദേഹം സംവിധാനം ചെയ്യുന്നത്. ഫോർച്യൂൺ ഫിലിംസിന്റെ ബാനറിൽ ഗോപാൽ ആർ തിരക്കഥയൊരുക്കി നിർമ്മിക്കുന്ന ചിത്രമാണിത്.
ബനാറസ്, ഗൗരീശങ്കരം, കുക്കിലിയാർ എന്നീ സിനിമകളാണ് നേമം പുഷ്പരാജിന്റെതായി എത്തിയിട്ടുള്ളത്. രണ്ടാം യാമം എന്ന ചിത്രം ഒരു സാങ്കൽപ്പിക ഗ്രാമത്തിന്റെ പശ്ചാത്തലത്തിൽ നടക്കുന്ന കഥയാണ് പറയുന്നത്. ആ നാട്ടിലെ വിശ്വാസങ്ങളെയും പാരമ്പര്യത്തെയും കുറിച്ചും ഇതിൽ പറയുന്നു. ഒരു വീട്ടിലെ രണ്ട് സഹേദരങ്ങളുടെ ആശയങ്ങൾ അവർക്കിടയിലും കുടുംബത്തിനിടയിലും ഉണ്ടാക്കുന്ന പ്രശ്‌നങ്ങളെയാണ് ചിത്രം പറയുന്നത്.
ചിത്രത്തിൽ ജോയ് മാത്യു, രേഖ, സുധീർ കരമന, നന്ദു, രാജസേനൻ, അംബികാ മോഹൻ, ദിവ്യശ്രീ തുടങ്ങിയവരും അഭിനയിക്കുന്നുണ്ട്. സംഗീതം ഒരുക്കുന്നത് മോഹൻ സിതാരയാണ്. ഛായാഗ്രഹണം നിർവഹിക്കുക അഴകപ്പൻ. ജനുവരി 12-ന് പാലക്കാട് വച്ചാണ് ചിത്രത്തിന്റെ ഷൂട്ടിംഗ് ആരംഭിക്കുന്നത്.
