ഹോം ഗ്രൗണ്ടായ സിഡ്‌നിയിൽ വച്ചാണ് ഓസ്‌ട്രേലിയൻ താരം ഡേവിഡ് വാർണർ ടെസ്റ്റ് ക്രിക്കറ്റിൽ നിന്ന് വിരമിച്ചത്. പാകിസ്താനെതിരായ അവസാന ടെസ്റ്റ് പരമ്പരയിലും മിന്നും പ്രകടനം താരം നടത്തി. തന്റെ അവസാന ടെസ്റ്റിലെ അവസാന ഇന്നിംഗ്‌സിലും പാകിസ്താനെതിരെ അർദ്ധസെഞ്ച്വറി നേടിയാണ് താരം ടെസ്റ്റിൽ നിന്ന് വിരമിച്ചത്. സ്വന്തം ഗ്രൗണ്ടിൽ തിങ്ങി നിറഞ്ഞ കാണികളെയും കുടുംബാംഗങ്ങളെയും സാക്ഷിയാക്കിയായിരുന്നു 37-കാരന്റെ പടിയിറക്കം. എന്നാൽ ഏകദിനത്തിനോടും ടെസ്റ്റിനോടും വിടപറഞ്ഞതിന് പി്ന്നാലെ ഇൻസ്റ്റഗ്രാമിൽ പങ്കുവച്ച ഭാര്യയെ കുറിച്ചുള്ള വാർണറിന്റെ ഹൃദയ സ്പർശിയായ പോസ്റ്റാണിപ്പോൾ സമൂഹമാദ്ധ്യമങ്ങളിൽ വൈറലാകുന്നത്.
എന്താണ് പറയേണ്ടത്…ഒരുപാട് വികാരങ്ങളോടെയാണ് ഞാനിത് എഴുതുന്നത്. യഥാർത്ഥ്യത്തിൽ എന്റെ ഈ നേട്ടങ്ങൾക്ക് പിന്നിൽ നീയാണ്. വെല്ലുവിളികളെ നിശ്ചയദാർഢ്യത്തോടെയാണ് നീ നേരിട്ടത്. പല പ്രതിസന്ധി ഘട്ടങ്ങളിലും എനിക്ക് ധൈര്യം പകരാൻ നിനക്കായി. നിന്റെ പിന്തുണയും വിശ്വാസവും പ്രചോദനവുമാണ് എന്റെ നേട്ടങ്ങൾക്ക് കാരണം. ഞാൻ അകലെയായിരുന്നപ്പോഴും കുടുംബത്തെ ചേർത്ത് പിടിച്ചതും നീയായിരുന്നു. ഇത് വെല്ലുവിളി നിറഞ്ഞതാണെന്ന് നീ പറയുന്നത് ഞാൻ ഇതുവരെ കേട്ടിട്ടില്ല. നമ്മളുടെ പെൺമക്കൾക്ക് നിന്നെക്കാൾ മികച്ച മാതൃകയില്ല. ജീവിതയാത്രയിൽ പങ്കാളിയായതിന് നന്ദി. വാർണർ ഇൻസ്റ്റഗ്രാമിൽ കുറിച്ചു.
View this post on Instagram
“>
ടെസ്റ്റിൽ 44.59 ശരാശരിയിൽ 112 മത്സരങ്ങളിൽ നിന്ന് 8,786 റൺസാണ് വാർണർ നേടിയത്. ഇതിൽ 26 സെഞ്ച്വറികളും 37 അർദ്ധ സെഞ്ച്വറികളും ഉൾപ്പെടുന്നു. ഏകദിനത്തിൽ, 161 മത്സരങ്ങളിൽ നിന്ന് 6,932 റൺസ് നേടിയിട്ടുണ്ട്.
