പാമ്പിൻ വിഷത്തിന്റെ പത്തിലൊന്ന് വിഷം! അപകടകാരികളായ കടന്നൽ കുത്തിയാൽ എന്ത് ചെയ്യണം

പാടത്തോ പറമ്പിലോ ഒക്കെ നിൽക്കുമ്പോൾ പെട്ടെന്ന് ശരീരത്തിൽ കുത്താൻ സാധ്യതയുള്ള ഒന്നാണ് കടന്നൽ. പാമ്പിൻ വിഷത്തിന്റെ പത്തിലൊന്ന് വിഷം കടന്നലിൽ ഉണ്ടെന്നാണ് പറയപ്പെടുന്നത്. അതുകൊണ്ട് തന്നെ കടന്നലുകളിൽ നിന്നും കുത്തേൽക്കാതിരിക്കാൻ പരമാവധി ശ്രമിക്കണം. കടന്നലുകളിൽ ഏറ്റവും അപകടകാരിയെന്നു പറയുന്നത് കാട്ട് കടന്നലുകളാണ്.

ഒന്നോ രണ്ടോ കടന്നലുകളാണ് കുത്തുന്നതെങ്കിൽ കുത്തേറ്റ ഭാ​ഗത്ത് വേദന,ചുവന്ന് തടിക്കുക, ചൊറിച്ചിൽ തുടങ്ങിയ അസ്വസ്ഥകളാകും ഉണ്ടാകുന്നത്. പക്ഷേ, കണ്ണിലോ വായിലോ ആണ് കുത്തുന്നതെങ്കിൽ വളരെ അപകടകരമാണ്. നിരവധി കുത്തുകൾ ഏറ്റാൽ വലിയ രീതിയിൽ വിഷബാധവരെയുണ്ടാകും. അിനാൽ കൃത്യസമയത്ത് ചികിത്സ നേടണം.

കുത്തേൽക്കുന്നവർ എന്തൊക്കെ പ്രഥമ ശുശ്രൂഷകളാണ് ചെയ്യേണ്ടതെന്ന് നോക്കാം…

1 ആദ്യം ശ്രദ്ധിക്കേണ്ടത് കടന്നലുകളിൽ നിന്നും കൂടുതൽ കുത്തേൽക്കാതിരിക്കാൻ ശ്രദ്ധിക്കണം.

2 കുത്തേറ്റ ആളുടെ ശ്വസന പ്രക്രിയയും ഹൃദയത്തിന്റെ പ്രവർത്തനവും കൃത്യമായി നടക്കുന്നുണ്ടോ എന്നും ഉറപ്പ് വരുത്തണം.

3 ചെറിയ രീതിയിലെ നീരും ചുമപ്പും മാത്രമാണ് ഉള്ളതെങ്കിൽ ഐസ് വെച്ച് കൊടുക്കാവുന്നതാണ്. ഇത് നീരും വേദനയും കുറയ്‌ക്കാൻ സഹായകമാണ്.

4 ​​ഗുരുതരമാണെങ്കിൽ ഉടൻ തന്നെ ആശുപത്രിയിൽ എത്തിക്കാനുള്ള ശ്രമങ്ങൾ തേടണം

5 കുത്തേറ്റ ഭാ​ഗത്ത് കടന്നലിന്റെ കൊമ്പ് ഉണ്ടെങ്കിൽ ശ്രദ്ധയോടെ എടുത്ത് കളയണം.

6 ചെറിയ രീതിയിലെ നീരും ചുമപ്പും ആണെങ്കിൽ തുളസി ഇല, ശംഖുപുഷ്പത്തിന്റെ ഇല എന്നിവ ഉപയോ​ഗിക്കാം.