ന്യൂഡൽഹി: കേന്ദ്ര വിദ്യാഭ്യാസ മന്ത്രാലയം സംഘടിപ്പിക്കുന്ന പരീക്ഷാ പേ ചർച്ച രജിസ്ട്രേഷൻ ഉടൻ സമാപിക്കും. താത്പര്യമുള്ള വിദ്യാർത്ഥികൾക്കും അദ്ധ്യാപകർക്കും രക്ഷിതാക്കൾക്കും പങ്കെടുക്കാം. ജനുവരി 12 ആണ് രജിസ്റ്റർ ചെയ്യാനുള്ള അവസാന തീയതി.
ഇതുവരെ 168.09 ലക്ഷം വിദ്യാർത്ഥികളും 12.7 ലക്ഷം അദ്ധ്യാപകരും 4.29 ലക്ഷം രക്ഷകർത്താക്കളും രജിസ്റ്റർ ചെയ്തു. ഇതുമായി ബന്ധപ്പെട്ട വിശദവിവരങ്ങൾ പരീക്ഷ പേ ചർച്ചയുടെ ഔദ്യോഗിക വെബ്സൈറ്റിൽ നിന്നും ലഭ്യമാണ്.
https://secure.mygov.in/hi/ppc-2024/
പരീക്ഷയുടെ സമ്മർദ്ദം ലഘൂകരിക്കാൻ കേന്ദ്ര വിദ്യാഭ്യാസ മന്ത്രാലയം നടത്തുന്ന പരിപാടിയാണ് പരീക്ഷ പേ ചർച്ച. പരിപാടിയിൽ പ്രധാനമന്ത്രിയുമായി സംസാരിക്കാനുള്ള അവസരം രക്ഷാകർത്താക്കൾക്കും വിദ്യാർത്ഥികൾക്കും അദ്ധ്യാപകർക്കും ലഭിക്കും.
