ഭോപ്പാൽ: അയോദ്ധ്യയിലെ പ്രാണപ്രതിഷ്ഠ ദിനത്തിന് മധുരമേകാൻ ഉജ്ജയിനിലെ മഹാകാലേശ്വേർ ക്ഷേത്രത്തിൽ നിന്ന് അഞ്ച് ലക്ഷം ലഡുവെത്തും. രാമക്ഷേത്രത്തിലേക്കായി ഉജ്ജയിനിലെ മഹാകാലേശ്വർ ക്ഷേത്രത്തിൽ നിന്ന് അഞ്ച് ലക്ഷം ലഡുകൾ അയക്കുമെന്ന് മദ്ധ്യപ്രദേശ് മുഖ്യമന്ത്രി മോഹൻ യാദവ് പറഞ്ഞു.
മുഗൾ ആക്രമണകാരി ബാബർ തകർത്ത അയോദ്ധ്യയിലെ രാമക്ഷേത്രം പുനർനിർമിക്കുകയാണ്. മദ്ധ്യപ്രദേശും ഇത് ആഘോഷത്തിലാണ്. മഹത്തായ ആഘോഷത്തിൽ സംസ്ഥാനവും മുൻനിരയിലുണ്ട് മുഖ്യമന്ത്രി കൂട്ടിച്ചേർത്തു.
സ്വാമി വിവേകാനന്ദന്റെ ജന്മദിനത്തോട് അനുബന്ധിച്ച് സംഘടിപ്പിച്ച ദേശീയ യുവജന ദിനാഘോഷത്തിൽ പങ്കെടുത്തു സംസാരിക്കുകയായിരുന്നു മുഖ്യമന്ത്രി. ലോകത്തിൽ ഏറ്റവും കൂടുതൽ യുവജനങ്ങളുള്ള രാജ്യം ഭാരതമാണെന്നത് ഞങ്ങൾക്ക് അഭിമാനകരമാണ്. ചന്ദ്രയാൻ മുതൽ ഗഗൻയാൻ വരെയുള്ള നിരവധി നാഴികക്കല്ലുകൾ ഇന്ത്യ പിന്നീട്ടു കഴിഞ്ഞു. വർഷങ്ങൾക്ക് മുമ്പ് സ്വാമി വിവേകാനന്ദൻ 21-ാം നൂറ്റാണ്ട് ഇന്ത്യയുടേതായിരിക്കുമെന്ന് പ്രഖ്യാപിച്ചിരുന്നു. ആ വചനം സാക്ഷാത്കരിക്കുകയാണ് ഭാരതം, മോഹൻ യാദവ് കൂട്ടിച്ചേർത്തു.
