വാഷിംഗ്ടൺ: ഹൂതികൾ ഭീകര സംഘടനയാണെന്ന് അമേരിക്കൻ പ്രസിഡന്റ് ജോ ബൈഡൻ. അമേരിക്കൻ, ബ്രിട്ടിഷ് കപ്പലുകൾക്ക് നേരെ നടന്ന ആക്രമണത്തിന് പിന്നാലെയാണ് ബൈഡന്റെ പരാമർശം. ഹൂതികൾ ഭീകരാക്രമണം തുടരുകയാണെങ്കിൽ അമേരിക്ക തിരിച്ചടിക്കുമെന്നും അദ്ദേഹം കൂട്ടിച്ചേർത്തു. യെമനുമായി ഒരു യുദ്ധത്തിന് അമേരിക്കയ്‌ക്ക് താത്പര്യമില്ല, എന്നാൽ ആവശ്യമാണെങ്കിൽ അതിന് മടിക്കില്ലെന്നും ബൈഡൻ പറഞ്ഞു.
ഹമാസിന് പിന്തുണ അറിയിച്ചുകൊണ്ടാണ് ഇറാനിലെ സായുധ സേനയായ ഹൂതികൾ ചെങ്കടലിൽ ആക്രമണങ്ങൾ അഴിച്ചുവിടുന്നത്. ഇക്കഴിഞ്ഞ ഒക്ടോബർ മുതൽ ചെങ്കടലിലൂടെയുള്ള കപ്പലുകൾക്ക് നേരെ വലിയ ആക്രമണങ്ങളാണ് ഹൂതികളുടെ ഭാഗത്ത് നിന്നുണ്ടായത്. ഇതുമൂലം പല കപ്പലുകൾക്കും ദൈർഘ്യമേറിയ സീ-റൂട്ടുകൾ സ്വീകരിക്കേണ്ടി വന്നിട്ടുണ്ട്. ഇറാൻ പിന്തുണയുള്ള സായുധ സേന യെമന്റെ ഭൂരിഭാഗവും പ്രദേശങ്ങളും ഇതിനോടകം നിയന്ത്രണത്തിലാക്കിയിട്ടുണ്ട്.
