ബോളിവുഡിന്റെ പ്രിയനടന്മാരിൽ ഒരാളാണ് അജയ് ദേവ്ഗൺ . തൻഹാജി എന്ന ചിത്രത്തിൽ അഭിനയിച്ചതിനെ കുറിച്ച് താരം പറഞ്ഞ കാര്യങ്ങളാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത് . തൻഹാജി ചിത്രം 4 വർഷം പൂർത്തിയാക്കിയതിന് പിന്നാലെയാണ് അജയ് ദേവ്ഗണിന്റെ പ്രസ്താവന . . തൻഹാജി മാലുക്രെ എന്ന കഥാപാത്രത്തെയാണ് അജയ് ഈ ചിത്രത്തിൽ അവതരിപ്പിച്ചത്.
‘ തൻഹാജിയുടെ സെറ്റിൽ നിന്ന് ഞാൻ പഠിച്ച ഓർമ്മകളും പാഠങ്ങളും എന്റെ ഉള്ളിലെ ആത്മാവിനെ ഉണർത്തി. എന്റെ ഭവാനിയുടെയും ഛത്രപതി ശിവാജി മഹാരാജിന്റെയും ശക്തിയാണ് ഇന്ന് യഥാർത്ഥ ജീവിതത്തിൽ ഏത് വെല്ലുവിളിയും നേരിടാൻ , തൻഹാജിയാകാൻ എനിക്ക് ശക്തി നൽകുന്നത്. ജയ്. ഭവാനി! ജയ് ശിവാജി!” – എന്നാണ് അജയ് ദേവ്ഗണിന്റെ പോസ്റ്റ്.
കാവിക്കൊടിയുടെ ചിത്രവും അദ്ദേഹം പങ്ക് വച്ചിട്ടുണ്ട് . തൻഹാജി എന്ന സിനിമ 2020 ലാണ് പുറത്തിറങ്ങത് . ഓം റൗട്ടാണ് ചിത്രം സംവിധാനം ചെയ്തത്. അജയ് ദേവ്ഗണിനെ കൂടാതെ സെയ്ഫ് അലി ഖാൻ, ശരദ് കേൽക്കർ, കാജോൾ, നേഹ ശർമ്മ തുടങ്ങിയ താരങ്ങളും ചിത്രത്തിൽ അഭിനയിച്ചിരുന്നു.
