ന്യൂഡൽഹി: പ്രധാനമന്ത്രി ആവാസ് യോജനയുടെ Gramin (PMAY-G) ഒരു ലക്ഷം ഗുണഭോക്താക്കൾക്ക് ആദ്യഗഡു വിതരണം ചെയ്തു. പ്രധാനമന്ത്രി ജൻജതി ആദിവാസി ന്യായ മഹാ അഭിയാൻ (PM-JANMAN) പദ്ധതിയുടെ കീഴിലാണ് ആദ്യ ഗഡു വിതരണം ചെയ്തത്. പദ്ധതിയുടെ ഉദ്ഘാടനം പ്രധാനമന്ത്രി നരേന്ദ്രമോദി വീഡിയോ കോൺഫറൻസിംഗ് മുഖേന നടത്തി.
#WATCH | Prime Minister Narendra Modi releases the first instalment to 1 lakh beneficiaries of Pradhan Mantri Awas Yojana – Gramin (PMAY-G) under Pradhan Mantri Janjati Adivasi Nyaya Maha Abhiyan (PM-JANMAN) via video conferencing. pic.twitter.com/ZQvI4YNWGZ
— ANI (@ANI) January 15, 2024
ഛത്തീസ്ഗഡിലെ ജസ്പൂരിൽ നിന്നുള്ള ഗുണഭോക്താവ് മൻകുമാരി, മദ്ധ്യപ്രദേശിലെ ശിവപുരിയിൽ നിന്നുള്ള ലളിത, മഹാരാഷ്‌ട്രയിലെ നാസിക്കിൽ നിന്നുള്ള ഭാരതി നാരായണൻ എന്നിവരുമായി പ്രധാനമന്ത്രി സംവദിച്ചു.
അവസാന വ്യക്തിയേയും ശാക്തീകരിക്കുക എന്ന ലക്ഷ്യത്തോടെ പ്രധാനമന്ത്രിയുടെ നേതൃത്വത്തിൽ ആരംഭിച്ച അന്ത്യോദയ വിഷന്റെ ഭാഗമായാണ് പ്രധാനമന്ത്രി ജൻജതി ആദിവാസി ന്യായ മഹാ അഭിയാൻ അഥവാ (PM-JANMAN). ജൻജാതീയ ഗൗരവ ദിവസിനോട് അനുബന്ധിച്ച് 2023 നവംബർ 15-നായിരുന്നു ഇത് ആരംഭിച്ചത്. സമൂഹത്തിലെ ദുർബലരായവർക്ക് വേണ്ടി സുരക്ഷിതമായ വീട്, കുടിവെള്ളം, അടിസ്ഥാന സൗകര്യങ്ങൾ, വിദ്യാഭ്യാസം, വൈദ്യുതി, പോഷകാഹാരം, റോഡ്-ടെലികോം കണക്ടിവിറ്റി എന്നിവ പ്രാപ്തമാക്കാൻ പദ്ധതി സഹായിക്കും. ഇതിനായി 24,000 കോടി രൂപയാണ് സർക്കാർ മാറ്റിവച്ചിരിക്കുന്നത്.
