തൃശൂരിൽ സുരേഷ് ഗോപി ഉറപ്പായും ജയിക്കുമെന്ന് സംവിധായകൻ അഖിൽ മാരാർ. മതേതരബോധമുണ്ടെന്ന് പറഞ്ഞു നടക്കുന്ന കമ്യൂണിസ്റ്റുകാർ കണ്ണിൽക്കണ്ട മത-ജാതി സംഘടനകളുടെ തിണ്ണ നിരങ്ങുന്നത് എന്തിനാണ്. നാണവും മാനവും അഭിമാനവും ഇല്ലാതെ ജാതി സംഘടനാ നേതാക്കളുടെ തിണ്ണയിൽ പോയി നിരങ്ങുകയും പള്ളിയിൽ പോയി കുർബാന കൂടുകയും മുസ്ലീം നേതാക്കളുടെയും അരികിൽ പോകുകയും ചെയ്തിട്ട് സുരേഷ് ഗോപി പള്ളിയിൽ കിരീടം കൊടുക്കുന്നത് രാഷ്‌ട്രീയത്തിന് വേണ്ടിയാണെന്ന് പറയുന്നതിൽ എന്തെങ്കിലും അർത്ഥമുണ്ടോ.
സുരേഷ് ഗോപി സഹായങ്ങൾ ചെയ്യുന്നത് രാഷ്‌ട്രീയത്തിന് വേണ്ടിയെന്നാണ് ചിലർ പറയുന്നത്. ഞാനും സുരേഷ് ഗോപിയും തമ്മിൽ ഒരു അടുപ്പവും ഇല്ല. പക്ഷെ, ഈ മനുഷ്യൻ എത്രയോ വർഷങ്ങൾക്ക് മുമ്പ് ബെൻസനും ബെൻസിയും എന്ന എയ്ഡ്‌സ് പിടിപ്പെട്ട കുട്ടികൾക്ക് വേണ്ടി ഇടപെട്ടത് എന്തെങ്കിലും പ്രശസ്തിക്ക് വേണ്ടിയാണോ? കാസർകോട് എൻഡോസൾഫാൻ വിഷയത്തിൽ ഇടപെട്ടത് എന്തിനെങ്കിലും വേണ്ടിയാണോ? മലയാള സിനിമയിൽ ബുദ്ധിമുട്ട് അനുഭവിക്കുന്ന മനുഷ്യർക്ക് ഒരാളുപോലും അറിയാതെ സഹായങ്ങൾ സുരേഷ് ഗോപി ചെയ്തത് തിരഞ്ഞെടുപ്പ് ജയിക്കാനാണോ?.
സിനിമയിൽ വലിയ തുക സുരേഷ് ഗോപി ഇപ്പോൾ വാങ്ങുന്നുണ്ട്. അഞ്ച് കോടിയോ ആറ് കോടിയോ അദ്ദേഹം വാങ്ങിയാൽ രണ്ട് കോടി ചിലവിന് എടുത്തിട്ട് ബാക്കികൊണ്ട് ജനങ്ങളെ സഹായിക്കുകയാണ്. അയാൾ ബിജെപിക്കാരനാണെന്ന് പറഞ്ഞ് ചെയ്യുന്ന എല്ലാത്തിനേയും എതിർക്കേണ്ട. തൃശൂരിൽ നൂറ് ശതമാനം സുരേഷ് ഗോപി ജയിക്കും. അത് സുരേഷ് ഗോപിയുടെ മിടുക്ക് കൊണ്ടോ, ബിജെപിയുടെ സംഘടനാ സംവിധാനം കൊണ്ടോ ആകണമെന്നില്ല. അദ്ദേഹത്തെ അനാവശ്യമായി കടന്നാക്രമിക്കുന്നതിന് ജനങ്ങൾ നൽകുന്ന മറുപടി ആയിരിക്കും. ആക്രമിക്കാം, പ്രതിരോധിക്കാം പക്ഷെ ഒരു പരിധിയുണ്ട്. എതിർക്കും തോറും എല്ലാവരും വളരും- അഖിൽ മാർ പറഞ്ഞു.
